«Naša Niva» i Bukmiekierskaja kantora Marafon raskazvajuć vam pra samaje važnaje, što adbyvajecca ŭ vyšejšaj lizie.
Zhadajem, jak skončylisia matčy minułaha tura:
- «Viciebsk» — «Smarhoń» 5:0 (16, Vandersan; 31, Dyjeha Santas; 48, 67, Matviejenka; 77, Čarviakoŭ)
- «Dynama-Minsk» — «Ruch» 0:1 (55, Łapcieŭ)
- «Tarpieda-BiełAZ» — «Šachcior» 0:1 (28, Darbo)
- BATE — «Słavija» 3:0 (17, 59, Skavyš; 43, Umaraŭ)
- «Nioman» — «Spadarožnik» 2:2 (51, Kuadža; 78, Kurłovič (ah) — 17 (p), Kancadajłaŭ; 39, Saniec)
- «Homiel» — «Minsk» 5:0 (3, Sajčyč; 22, An. Sałaviej; 48, Pabudziej; 63, Lavicki; 85, Kastroŭ)
- «Słuck» — «Isłač» 2:1 (34, 76, Alfred — 80, Kamaroŭski)
- «Dynama-Brest» — «Enierhietyk-BDU» 0:1 (56, Ar. Vasiljeŭ)
TURNIRNAJA TABLICA
Pa vynikach 11 tura ŭ čempijanacie zdaryłasia jašče adna trenierskaja adstaŭka. Raniej my zhadvali ŭnutranuju situacyju ŭ minskim «Dynama», źviazanuju sa stollu zarobkaŭ. U Leanida Kučuka nie atrymałasia spravicca z prablemaj tak, kab jana nie adbiłasia na vynikach, i paśla druhoj zapar parazy ad pramoha kankurenta trenier syšoŭ z kamandy. Pakul minčukoŭ budzie treniravać Arciom Čaladzinski.
Na samym viersie tablicy zruchaŭ niama, ale krychu nižej usio vielmi cikava — dziakujučy pieramozie ŭ Minsku «Ruch» zmoh abahnać «Dynama» i padzialić treci radok z «Homielem». U bresckuju kamandu prahnazujuć pierachod Alaksandra Najoka — ukrainski lehijanier razam z byłymi partnierami pa bresckim «Dynama» jaŭna zmoža dapamahčy kamandzie kali nie padniacca vyšej, to chacia b zastacca na «bronzavym» radku.
Zhadanyja vyšej hamielčuki niečakana bujna vyjhrali doma ŭ «Minska», pryčym u druhim tajmie haspadary zastalisia ŭ mienšaści, ale heta nijak nie paŭpłyvała na hulniu kamandy.
Z anałahičnym likam «Viciebsk» pieramoh «Smarhoń», ale da nastupnaha tura paŭnočnaja kamanda padychodzić jaŭna nie ŭ aptymalnym stanie, u pieršuju čarhu psichałahičnym. 6 červienia stała viadoma, što zahinuŭ nihieryjski lehijanier kamandy Kielvin Adenihba — jon patanuŭ, kupajučysia ŭ voziery na turbazie kala Viciebska.
«Spadarožnik», dzie raptam zdaryłasia ŭspyška karanavirusa, ledź siensacyjna nie pieramoh u Hrodnie. Ale ŭ mienšaści «Nioman» zdoleŭ zdabyć zvyšvalavuju ničyju, adhulaŭšysia z 0:2.
Varta taksama adznačyć druhuju zapar pieramohu «Enierhietyka-BDU» i druhuju zapar parazu bresckaha «Dynama», jakaja zaciahvaje kamandu Siarhieja Kavalčuka ŭsio hłybiej da siaredziny tablicy.
Taksama vyłučym hulniu «Słucka» i «Isłačy», jakaja ŭzmacniła status «cukrovych» jak vyklučna chatniaj kamandy i ŭ toj ža čas pahłybiła kryzis u «Isłačy», jakaja nabrała ŭsiaho 1 bał u apošnich čatyroch tura.
A ciapier da matčaŭ, jakija projduć ź piatnicy pa niadzielu.
«Słavija» — «Minsk»
- 11.06, 18:00. Mazyr, stadyjon «Junactva»
- Kaeficyjenty: «Słavija» (pieramoha) — 2.04; ničyja — 3.56; «Minsk» (pieramoha) — 3.22.
U kancy maja «Minsk» zastaŭsia biez šmathadovaha kiraŭnika kłuba Ihara Šłojdy, u jakoha skončyŭsia kantrakt. Adrazu paśla hetaha kamanda razhromna prajhrała ŭ Homieli, ale pryhody na hetym nie skončylisia.
Maskoŭski «Łakamatyŭ» źbirajecca kupić vunderkinda Kiryła Zinoviča, ale ŭ kłuba prosta niama kamu zaćvierdzić tranśfier. Spadziajomsia, što časovyja ŭnutrykłubnyja składanaści nie pieraškodziać pierajezdu forvarda ŭ rasijski top-kłub i jahonaj karjery.
Kirył Zinovič. Fota: FK «Minsk».
A pakul Zinovič płanuje pierajezd u Maskvu, jahonyja partniory znoŭ adpraŭlajucca na Homielščynu. «Słavija» znachodzicca nižej za «Minsk» u tablicy, tamu imaviernaść paŭtareńnia homielskaha kanfuzu nie takaja vysokaja, jak dva tydni tamu.
«Enierhietyk-BDU» — «Homiel»
- 11.06, 20:00. Barysaŭ, stadyjon «Haradski»
- Kaeficyjenty: «Enierhietyk» (pieramoha) — 3.72; ničyja — 3.64; «Homiel» (pieramoha) — 1.86.
Padobna, što kryzis «studentaŭ» minuŭ. Dźvie pieramohi dazvolili minčukam vybracca z padvału tablicy, adpaviedna sasłabieŭ cisk zony vyletu.
Ale raźvić pieramožnuju sieryju budzie składana, bo ŭ hości jedzie «Homiel», jaki zdoleŭ zamacavacca ŭ viersie tablicy, u adroźnieńnie ad bresckaha «Dynama», i jaki jaŭna nie źbirajecca spyniacca na dasiahnutym.
«Smarhoń» — «Słuck»
- 12.06, 14:45. Słuck, stadyjon «Junactva»
- Kaeficyjenty: «Smarhoń» (pieramoha) — 5.05; ničyja — 3.56; «Słuck» (pieramoha) — 1.66.
Paśla 0:5 u Viciebsku paŭza dla «Smarhoni» pryjšłasia darečy, a voś za dva tydni prastoju zarad enierhii i rašučaści, atrymany «Słuckam» paśla pieramohi, moh krychu i pahasnuć.
Ale ŭsio roŭna matč u Smarhoni — vielmi dobraja mahčymaść dla słuččakoŭ, kab pierałamić pravalnyja haściavyja vyniki.
«Spadarožnik» — «Dynama-Minsk»
- 12.06, 16:45. Rečyca, stadyjon «Centralny»
- Kaeficyjenty: «Spadarožnik» (pieramoha) — 21.00; ničyja — 8.70; «Dynama» (pieramoha) — 1.088.
Vykarystaŭšy ŭ jakaści chatnich dva stadyjony ŭ Homieli i adzin u Mahilovie, «Spadarožnik» narešcie viartajecca dadomu i prymie minskaje «Dynama» ŭ Rečycy. Mahčyma, mienavita padtrymki miascovych zaŭziataraŭ i nie chapała kamandzie, kab vystupić lepš.
Tolki niadaŭna rečycki kłub aficyjna abjaviŭ ab adstaŭcy Viačasłava Leŭčuka, jaki de-fakta niekalki turaŭ tamu pierastaŭ kiravać kamandaj. Eks-koŭč «Spadarožnika» ŭ raźvitalnym intervju pryznaŭ, što haspadarka kłuba nie adpaviadaje ŭzroŭniu vyšejšaj lihi, a finansavy stan nie dazvoliŭ ukamplektavacca mocnymi hulcami.
BATE — «Nioman»
- 12.06, 18:45. «Barysaŭ-Arena»
- Kaeficyjenty: BATE (pieramoha) — 1.38; ničyja — 4.60; «Nioman» (pieramoha) — 7.20.
«Nioman», padobna, čakajuć pieramieny: jašče da adkryćcia tranśfiernaha akna z kamandy syšli Dźmitryj Ivanoŭ i Alaksiej Haŭryłovič. Apošni pravioŭ za kamandu ŭsiaho piać matčaŭ u čempijanacie, u jakich dvojčy byŭ vydaleny, — daśviedčany abaronca naŭrad ci zaniasie pieryjad hulni za «Nioman» sabie ŭ aktyŭ.
Taksama ŚMI paviedamili, što z-za niaŭdałych vynikaŭ hulcam hrodzienskaj kamandy chacieli skaracić zarobki, ale futbalisty z hetym nie pahadzilisia. Imavierna, u lipieni skład «Niomana» budzie istotna abnoŭleny.
«Šachcior» — «Viciebsk»
- 12.06, 20:45. Salihorsk, stadyjon «Budaŭnik»
- Kaeficyjenty: «Šachcior» (pieramoha) — 1.32; ničyja — 4.70; «Viciebsk» (pieramoha) — 9.00.
U bukmiekieraŭ niama sumnievaŭ u nastupnaj pieramozie «Šachciora», ale na chvilinku: «Viciebsk» za 11 turaŭ prajhraŭ usiaho adnojčy i prapuściŭ usiaho na adzin miač mienš za salihorcaŭ. Tamu śpisvać z rachunkaŭ «Viciebsk» dakładna nie varta, kali dvanaccataja pieramoha salihorcaŭ zdarycca, to prostaj jana budzie naŭrad ci.
Tym bolš «Viciebsk» budzie hulać i za siabie, i za Kielvina Adenihba.
«Isłač» — «Dynama-Brest»
- 13.06, 17:00. Maładziečna, stadyjon «Haradski»
- Kaeficyjenty: «Isłač» (pieramoha) — 2.89; ničyja — 3.26; «Dynama-Brest» (pieramoha) — 2.33.
U niadzielu ŭ Maładziečnie zhulajuć kamandy, u jakich nastała čornaja pałasa. I «vaŭki», i bieraściejcy paśpiachova pačynali siezon, naźbirali šmat kamplimientarnych vodhukaŭ, ale doŭhaja turnirnaja dystancyja nie dajecca lohka.
Paśla parazy ad «Enierhietyka» Siarhiej Kavalčuk skazaŭ, što mižnarodnaja paŭza pavinna pajści na karyść jahonaj kamandzie, bo hulcy stamilisia. Pahladzim, jak dva tydni adpačynku adabjucca na vynikach bresckaha «Dynama».
«Ruch» — «Tarpieda-BiełAZ»
- 13.06, 19:00. DASK «Brescki»
- Kaeficyjenty: «Ruch» (pieramoha) — 1.71; ničyja — 3.84; «Tarpieda» (pieramoha) — 4.25.
Siezon dla kamandy z Žodzina składvajecca vielmi składana. «Tarpieda» pakul tolki vośmaje, a letam kłub čakajuć i hulni na druhi jeŭrakubkavy front. Heta jašče horš moža adbicca na ŭnutranych vynikach žodzincaŭ.
«Ruch» ža, vidać, nadoŭha prapisaŭsia kala pjedestału. Kali padnačalenyja Kiryła Alšeŭskaha pavierać u svaje siły i stanuć hulać bolš stabilna, to mohuć zamachnucca i na bolšaje, čym jość ciapier.
Bukmiekierskaja kantora Marafon prapanuje novym klijentam BONUS 10 rub «Biasprojhryšnaja pieršaja staŭka» pa promakodu 10BYN pry rehictracyi na sajcie marathonbet.by.
Heta vydatnaja mahčymaść zrabić prahlad matča lubimaj kamandy jašče bolš zachaplalnym! Usie detali bonusnaj prapanovy čytajcie tut.
Marafonbiet źjaŭlajecca najbujniejšym bukmiekieram u Biełarusi pa kolkaści kas (Licenzija № 33120/171, vydadzienaja MPZ RB) i pradstaŭleny ŭ 21 horadzie krainy.
Śpis adrasoŭ kas
