U race Haryń u Stolinskim rajonie patanuła 10-hadovaje dzicia. Chłopčyk z tryma siabrami kataŭsia na rovary i vyrašyŭ adpravicca na rečku. Kali jon zajšoŭ u vadu, to staŭ tanuć. Dzieci paklikali darosłych, adnak znajści chłopčyka nie ŭdałosia. Jon sa Słonima i znachodziŭsia ŭ babuli na kanikułach.
Na miescy zdareńnia praciahvajuć pracavać supracoŭniki MNS i ASVOD u pošukach cieła.
Druhaja trahiedyja zdaryłasia viečaram 15 červienia ŭ voziery kala darohi Dobruš— Cierachoŭka. Tam patanuŭ 13-hadovy chłopčyk. Padletak adpraviŭsia ŭ kramu i sustreŭ dvuch znajomych dziaŭčynak, ź jakimi pajechaŭ na rovarach na voziera. Jany stali kupacca, i chłopčyk staŭ tanuć. Na dapamohu prybiehli vidavočcy, adnak cieła chłopčyka dastali supracoŭniki MNS, jakija prybyli na miesca. Chłopčyk — z Dobruša, znachodziŭsia na kanikułach u babuli ŭ Dobrušskim rajonie.
Jašče adzin trahičny vypadak adbyŭsia ŭčora ŭ Aršanskim rajonie. U Dniapry patanuŭ 15-hadovy chłopčyk. Jon z dvuma siabrami kupaŭsia ŭ race, staŭ tanuć. Na dapamohu prybiehli vidavočcy, adnak vyratavać chłopčyka nie ŭdałosia. Supracoŭniki ASVOD dastali chłopčyka z vady biez prykmiet žyćcia.
