Delfi.lt
«Vidavočna, što ŭviadzieńnie sankcyj budzie paetapnym, kab jano nie achapiła ŭvieś siektar adrazu», — skazaŭ BNS pa telefonie z Bruselu ŭ paniadziełak Habryelus Łandśbierhis.
Jak viadoma, «Biełaruśkalij» ekspartuje svaju pradukcyju praz Kłajpiedski port, karystajučysia pasłuhami Litoŭskich čyhunak. Uhnajeńni «Biełaruśkalija» ŭ Kłajpiedzie hruzić pradpryjemstva Biriu kroviniu terminalas (Terminał nasypnych hruzaŭ). Zastaŭšysia biez uhnajeńniaŭ «Biełaruśkalija», hetyja pradpryjemstvy straciać dziesiatki miljonaŭ jeŭra ŭ hod.
Łandśbierhis skazaŭ, što paetapnaje ŭviadzieńnie sankcyj aznačaje, što pieralik praduktaŭ, jakija Biełarusi budzie zabaroniena ekspartavać praź ES, budzie pašyracca pastupova. Kiraŭnik litoŭskaj dypłamatyi nie staŭ bolš padrabiazna kamientavać sankcyi, arhumientujučy tym, što pa ich jašče niama kančatkovaj damoŭlenaści.
