24-26 lipienia ŭ Iviancy adbudziecca malitoŭnaja sustreča moładzi z udziełam Mitrapalita Tadevuša Kandrusieviča. Sioleta jaje ŭdzielniki buduć razvažać na temu sakramentaŭ chrostu i kanfirmacyi. Adbudziecca taksama pierehrynacyja abraza Jezusa Miłasernaha i relikvij błahasłaŭlonaha Michała Sapoćki.
Meta pierehrynacyi — adradžeńnie malitoŭnaha i sakramentalnaha žyćcia ŭ parafijalnych supolnaściach i ŭ asabistym žyćci kožnaha čałavieka.
U prahramie sustrečy ŭ Iviancy zapłanavany śviataja Eŭcharystyja, adaracyja Najśviaciejšaha Sakramentu, katechieza, śviedčańni ŭdzielnikaŭ, a taksama vystupleńnie znakamitych chryścijanskich muzyčnych kalektyvaŭ z Polščy «Arka Noego» i «2 Tm 2, 3» («Tymoteusz»).
Rehistracyja ŭdzielnikaŭ raspačniecca 24 lipienia ŭ 15.00. Prahrama malitoŭnaha mierapryjemstva raspačniecca ŭ hety ž dzień a 18.00.
Nahadajem, što ŭ minułym hodzie sustreča moładzi ŭ Iviancy była prymierkavana da 23-ha Suśvietnaha dnia moładzi, kulminacyja jakoha adbyłasia ŭ Sidnei (Aŭstralija). Moładź, što ŭ tyja dni sabrałasia ŭ Iviancy, mieła mahčymaść złučycca z papam Bienedyktam XVI i ŭdzielnikami Suśvietnaj sustrečy moładzi ŭ Sidnei praz telemost z dapamohaj sputnikavaj suviazi.
