«Słavianski bazar u Viciebsku» — heta hałoŭnaje fiestyvalnaje śviata ŭ Biełarusi i najbujniejšy fiestyvalny prajekt u Jeŭropie», zajaviŭ 10 lipienia na pres‑kanfierencyi ŭ Viciebsku, pryśviečanaj adkryćciu XVIII Mižnarodnaha fiestyvalu mastactvaŭ «Słavianski bazar u Viciebsku», ministr kultury Biełarusi Pavieł Łatuška.
Pavodle jaho mierkavańnia, «vielmi važna, što na fiestyvali pobač buduć vystupać i pradstaŭlać svaju kulturu biełaruskija, rasijskija, ukrainskija, zamiežnyja zorki».
Jak paviedamiŭ ministr kultury, siońnia ŭ Viciebsku adbudziecca adkryćcio Alei łaŭreataŭ śpiecyjalnaj premii prezidenta Biełarusi — «Praz mastactva — da miru i ŭzajemarazumieńnia».»My spadziajomsia, što najbližejšym časam hetaj uznaharody buduć udastojenyja i pradstaŭniki biełaruskaj estrady, mastactva, jakija ŭnieśli značny ŭkład u kulturu słavianskich narodaŭ», — skazaŭ Łatuška.
Niekalki fiestyvalnych mierapryjemstvaŭ ministr kultury adznačyŭ asabliva. Tak, vystavu «Sto rabot Marka Šahała» jon nazvaŭ unikalnaj. Na hetaj ekspazicyi, jakaja adkryjecca siońnia ŭ Mastackim muziei Viciebska, buduć pradstaŭleny aforty znakamitaha mastaka da paemy Mikałaja Hohala «Miortvyja dušy», pieradadzienyja ŭ dar Biełarusi maskoŭskim niezaležnym dabračynnym fondam «Tryumf — novaje stahodździe». Łatuška taksama paviedamiŭ, što ŭ viciebskim Mastackim muziei adbudziecca ŭračystaja pieradača siami kopij karcin ruskaha žyvapisca Ilji Repina.
Niadaŭna pryznačany ministr kultury byŭ adzinym udzielnikam pres‑kanfierencyi, chto źviarnuŭsia da žurnalistaŭ z pryvitalnym słovam na biełaruskaj movie. Jon taksama vykazaŭ udziačnaść orhanam dziaržaŭnaha kiravańnia, viciebskim uładam, Centru kultury «Viciebsk» i ŭsim, chto ŭdzielničaje ŭ arhanizacyi «Słavianskaha bazaru».
