Fota z aficyjnaha sajta ŁDP.
Aryštavany namieśnik staršyni libieralna‑demakratyčnaj partyi, deputat Minharsavietu Uładzimir Karunas. Jon byŭ zatrymany pry sprobie atrymańnia chabaru ŭ pamiery 9 tysiač dalaraŭ ZŠA.
Staršynia ŁDP Siarhiej Hajdukievič kaža, što Karunas užo nieadnarazova vyklikali na hutarki ŭ KDB, ale tady hetamu nie nadavali asablivaj uvahi. «Paśla adnaho takoha vykliku jon nie viarnuŭsia. Napeŭna, u jaho była niejkaja vielmi surjoznaja infarmacyja, jakuju ź jaho vybivali. Pra što dakładna ja nie viedaju», — kaža S.Hajdukievič.
«My ničoha nie viedajem, što ź im zaraz. Advakata da jaho nie dapuskajuć. Nijakich viestačak taksama niama. Kali sami niešta daviedajeciesia, to paviedamicie», — prosić eks‑kandydat na pasadu prezidenta.
Pytajusia ŭ Siarhieja Hajdukieviča, ci nie paŭpłyvaje aryšt na rejtynh jahonaj partyi i namiery ich lidera ŭdzielničać u nastupnych prezidenckich vybarach. «Dy vy što?!
U nas amal niama partyjcaŭ, jakija b nie siadzieli. Niešta i ŚMI maŭčać pra Karunasa, nie pakazvajuć pa telebačańni. Kali pačnuć pakazvać, to mnie heta ŭzdymie rejtynh razoŭ u 20!», — havoryć S.Hajdukievič.
Uładzimir Karunas naradziŭsia ŭ 1955 hodzie. Maje vyšejšuju vajennuju adukacyju — vajenny inžynier pa radyjotechnicy. Padčas minułych prezidenckich kampanij uznačalvaŭ vybarčy štab Siarhieja Hajdukieviča.