Ministerstva handlu prapanuje zabaranić vytvorčaść i prodaž u Biełarusi słabaałkaholnych napojaŭ. Adpaviednuju prapanovu ministerstva nakiravała va ŭrad, paviedamiŭ na pres‑kanfierencyi ŭ Minsku 21 lipienia pieršy namieśnik ministra handlu Michaił Śviancicki.
«My rašuča vystupajem suprać vytvorčaści i realizacyi słabaałkaholnych napojaŭ, takich jak džyn‑tonik»,— zajaviŭ namieśnik ministra. Jon adznačyŭ, što Minhandlu surjozna turbuje situacyja sa spažyvańniem hetych napojaŭ na fonie ałkahalizacyi nasielnictva.
Pavodle słoŭ Śviancickaha, za spažyvańniem słabaałkaholnych napojaŭ niama naležnaha kantrolu, bo jany «vypadajuć z‑pad dziejańnia zakona ab rehulavańni abarotu ałkaholnaj pradukcyi».
Namieśnik ministra nahadaŭ, što ŭ minułym hodzie ŭ Biełarusi spažyvańnie ałkaholu na dušu nasielnictva skłała 12,4 litra čystaha śpirtu.
»Heta šmat, — kanstatavaŭ jon, adznačyŭšy, što z metaj baraćby z ałkahalizacyjaj, — u Biełarusi niamała robicca dla pavyšeńnia jakaści ałkaholnych napojaŭ». U pryvatnaści, pastupova skaračajecca vytvorčaść pładova‑iahadnych vin. «Našy vinarobčyja pradpryjemstvy zajmajucca ŭ asnoŭnym vytvorčaściu vinahradnych vin», — adznačyŭ Śviancicki.
