Paviedamleńnie ministra kultury Paŭła Łatuški pra pieravod spravavodstva Ministerstva kultury na biełaruskuju movu ŭžo ablacieła biełaruskija miedyi i paradavała nacyjanalna aryjentavanych suajčyńnikaŭ.
Jašče bolš ciešyć toj, što tendencyju padtrymaŭ pryvatny biznes. Tak, na sajcie minskaj jurydyčnaj firmy «JurZnak» na hetym tydni źjaviłasia admysłovaja prapanova zamaŭlać jurydyčnyja pasłuhi pa-biełarusku, bolš taho, na biełaruskamoŭnyja zamovy pradastaŭlajucca źnižki.
Śfiera pasłuh b2b na siońniašni dzień faktyčna całkam rasiejskamoŭnaja, što abumoŭlena popytam i movaj pieravažnaj bolšaści narmatyŭnach dakumientaŭ. Amal takaja ž situacyja i ŭ śfiery dziaržaŭnaha kiravańnia.
Adna ž ź pieršasnych zadač na šlachu da biełaruskaj movy jak movy dziaržaŭnaj de-fakta – uvieści jaje ŭ śfieru ŭžyvańnia dziaržaŭnaha kiravańnia, biznesu i navučańnia.
To idei nie novyja, ahučanyja, u tym liku, u Stratehii raźvićcia biełaruskaja movy ŭ XXI stahodździ, raspracavanaj Tavarystvam biełaruskaj movy. Ale heta idei, jakija pakul naležna nie realizavanyja. Mienavita tamu paviedamleńni ministra kultury i minskich jurystaŭ radujuć i abnadziejvajuć.
Nieviadoma, kali buduć realizavany ambitnyja płany ministra kultury i kolki biełaruskamoŭnych zamoŭ atrymajuć TAA «JurZnak», ale dakładna viadoma,
što biez takich vialikich i małych krokaŭ biełaruskaja Biełaruś niemahčymaja.
Razmaŭlajcie, zamaŭlacie, pytajcie pa-biełarusku! Budźma biełarusami! Pasprabujcie, Vam spadabajecca.