Pra heta paviedamiŭ 23 lipienia ministr sielskaj haspadarki i charčavańnia Siamion Šapira ŭ čas narady prezidenta Biełarusi z kiraŭnikami zahranustanoŭ Biełarusi.
Usiaho, jak adznačyŭ Siamion Šapira, biełaruskija małakapierapracoŭčyja pradpryjemstvy zdali ŭ łabaratoryi Rasspažyŭnahladu 825 uzoraŭ pradukcyi.
Havoračy ŭ cełym ab małakapradukcyi, ministr padkreśliŭ, što jana maje vysokija spažyvieckija ŭłaścivaści. U 2009 hodzie ŭ Biełarusi płanujecca atrymać 6,3 młn.t małaka, ź jakich 2,5 młn.t budzie pastaŭlena na ŭnutrany rynak, 2,8 młn.t ekspartavana ŭ Rasiju, jašče 1 młn.t — na rynki trecich krain.
Siamion Šapira adznačyŭ, što kožny hod rastuć pastaŭki małočnaj pradukcyi na źniešnija rynki. Z pačatku hetaha hoda abjom prodažaŭ pierasiahnuŭ $800 młn. Pry hetym na Rasiju prypadaje 87 pracentaŭ ekspartu, krainy dalokaha zamiežža — 5 pracentaŭ.
Jak padkreśliŭ prezident, najvažniejšym pytańniem siońnia źjaŭlajecca vychad na rynki krain ES. Tym bolš što jeŭrapiejcy ŭ hetym pytańni iduć nam nasustrač. Jeŭrasajuz nie suprać taho, kab dać mahčymaść biełaruskim pradpryjemstvam siertyfikavać svaju pradukcyju i tym samym kankuryravać na roŭnych ź jeŭrapiejskimi vytvorcami, skazaŭ Alaksandr Łukašenka.
