Ciapier «uzhodnienyja navieły» razhladajucca viedamstvami Biełarusi, intaresy jakich buduć zakranutyja, kali vybarčaje zakanadaŭstva źviedaje źmieny, skazała kiraŭnica CVK.
U parłamient Biełarusi buduć pradstaŭlenyja prapanovy pa źmienie vybarčaha zakanadaŭstva, uzhodnienyja biełaruskimi viedamstvami i ekśpiertami ABSIE. Ab hetym u intervju BiełaPAN paviedamiła staršynia Centralnaj kamisii pa vybarach i praviadzieńni respublikanskich refierendumaŭ Lidzija Jarmošyna.
Jana nahadała, što paśla parłamienckich vybaraŭ u vieraśni 2008 hoda pamiž ABSIE i Biełaruśsiu było dasiahnuta pahadnieńnie ab sumiesnaj acency biełaruskaha vybarčaha zakanadaŭstva i vypracoŭcy prapanoŭ pa jaho źmienie. U Biełarusi hetym zajmaŭsia Nacyjanalny centr zakonaprajektnaj dziejnaści, kudy ŭvachodziać ekśpierty CVK.
Ciapier «uzhodnienyja navieły» razhladajucca viedamstvami Biełarusi, intaresy jakich buduć zakranutyja, kali vybarčaje zakanadaŭstva źviedaje źmieny, skazała kiraŭnik CVK.
Lidzija Jarmošyna vykazała zacikaŭlenaść u acency ekśpiertaŭ ABSIE, kab prapanovy «adpačatku nie vyklikali krytyku z boku» hetaj arhanizacyi. «Bo navošta źmianiać zakon, kali pry praviadzieńni čarhovaj vybarčaj kampanii pryjeduć ekśpierty abo naziralniki ad ABSIE i znoŭ jaho raskrytykujuć», — zajaviła kiraŭnik CVK. Pry hetym jana nahadała, što dla źmieny zakanadaŭstva «mierkavańnie ABSIE nie spatrebicca».
Kiraŭnik CVK nie stała ŭdakładniać kankretnyja prapanovy da źjaŭleńnia «kančatkovaha prajekta, uzhodnienaha biełaruskimi viedamstvami i ABSIE».
U svaju čarhu ŭ intervju BiełaPAN pres-sakratar BDIPČ ABSIE Jens-Chahien Ešenbiechier paviedamiŭ, što biuro ciapier čakaje prajekta prapanoŭ biełaruskich uład, kab acanić «mahčymyja palapšeńni vybarčaj sistemy Biełarusi z punktu hledžańnia zabaviazańniaŭ ABSIE».
Ešenbiechier zaŭvažyŭ, što baki abmiarkoŭvajuć mahčymyja źmieny ŭ Vybarčy kodeks Biełarusi, zasnavanyja na vynikovym dakładzie BDIPČ ABSIE pa vynikach vybaraŭ u parłamient u 2008 hodzie. Pavodle słoŭ pres-sakratara, BDIPČ «daŭ vyrazna zrazumieć, što jon [praces refarmavańnia biełaruskaha vybarčaha zakanadaŭstva] pavinien uklučać usie zacikaŭlenyja baki, jakija biaruć udzieł u vybarach, — urad, palityčnyja partyi i hramadzianskaja supolnaść».
