Fota Guardian / EPFL / Alain Herzog / PA.
U vyniku avaryi ŭ mužčyny adnialisia nohi, jon nie tolki što nie chadziŭ, ale zusim nie adčuvaŭ ich. Daśledčyki z Šviejcarskaha fiederalnaha instytuta technałohii ŭ Łazanie vyrašyli jamu dapamahčy, piša Guardian.
U cieła mužčyny impłantavali miakki i hnutki elektrod, jaki raźmiaścili naviersie chrybietnikavych niervaŭ i pad chrybietnikami. Elektrod vypuskaje elektryčnyja impulsy ŭ kirunku chrybietnikavych niervaŭ — tych, što ŭpłyvajuć na muskuły ŭ tułavie i nahach čałavieka. Prahramnaje zabieśpiačeńnie kantraluje impulsy i vydaje instrukcyi na roznyja dziejańni. Naprykład, ź ich dapamohaj čałaviek moža stajać, chadzić, jeździć na rovary ci navat machać nahami, kab płavać.
Taki elektrod impłantavali Rakaci i jašče dvum mužčynam 29 i 41 hadoŭ. Užo praź niekalki hadzin paśla apieracyi pacyjenty atrymali mahčymaść stajać, a praz try-čatyry miesiacy praktyki stali i chadzić.
Aŭtary prajekta ličać, što ŭ vypadku z žančynami technałohija taksama budzie pracavać. Pośpiech navukoŭcaŭ daje nadzieju na toje, što maleńkija pryłady, jakija buduć impłantavacca ŭ arhanizm čałavieka, daduć paralizavanym ludziam novyja mahčymaści ŭ žyćci.
