U redakcyju «NN» źviarnulisia čytačy-mienčuki, zaniepakojenyja siužetam pra ramont Opernaha teatru, pakazanym na telekanale STV. Ź siužetu vynikała, što pierad Operaj na centralnaj alei źjavicca fantan. Skulptar Hienadź Burałkin nastojvaŭ, što najlepšym upryhožańniem parku majuć stać skulptury Apalona i Pana, jakija spračajucca mižsobku. Pomnika paetu na prajekcie, pakazanym u siužecie, nie było... Nie dapuścim znosu! – pieražyvali ludzi.
Teatar sapraŭdy źmienić svajo abličča. Kažuć, što jamu nadaduć rysy, jakija zadumvaŭ aŭtar – architektar Iosif Łanhbard. Źniknie kupał nad budynkam, u porcikach paŭstanuć skulptury čatyroch muzaŭ.
Adnak hałoŭny achitektar instytutu «Biełprajekt» Anatol Šabolin adnaznačna zajaviŭ: «Pomnik Maksimu Bahdanoviču zastajecca». «Biełprajekt» raspracoŭvaŭ prajekt uparadkavańnia skveru pierad teatram, ale rašeńnia pra znos Bahdanovickaha pomniku nie prymałasia.
Zastajecca tolki pytańnie, nakolki kanstruktyvisckaja Opera i sumna-zadumienny Bahdanovič buduć spałučacca z sprečkaju Apalona i Pana.
