Pradpryjemstva «Mastoŭskaja sielhastechnika» (Masty, Hrodzienskaja vobłaść) da kanca hoda płanuje naładzić vypusk mabilnych telefonaŭ dla piensijanieraŭ.
Jak paviedamiŭ BiełaPAN načalnik śpiecyjalizavanaha cecha № 2 pa vytvorčaści telefonaŭ i žhutoŭ pradpryjemstva «Mastoŭskaja sielhastechnika» Siarhiej Mickievič, prajekt pa vytvorčaści niedarahich sotavych telefonaŭ znachodzicca na stadyi raspracoŭki.
Čakajecca, što ŭ novych mabilnikaŭ dla piensijanieraŭ budzie minimalny nabor funkcyj. Jak paviedamiŭ dyrektar pradpryjemstva «Mastoŭskaja sielhastechnika» Mikałaj Lisaj, adnoj z hałoŭnych budzie źjaŭlacca funkcyja SOS, dzie zaprahramujuć najbolš važnyja numary dla pažyłych ludziej. Taksama dla bolš kamfortnaha vykarystańnia ŭ mabilnych aparataŭ zrobiać vialikija knopki i vialiki ekran. Aprača taho, pavodle słoŭ dyrektara zavoda, telefon budzie maksimalna dastupny pa canie dla metavaj aŭdytoryi.
Ab zapusku novaha kirunku vytvorčaści na pradpryjemstvie «Mastoŭskaja sielhastechnika» Siarhiej Mickievič zajaviŭ jašče ŭ mai 2009 hoda. Mienavita tady prajšło paśpiachova testavańnie pieršych uzoraŭ mabilnych telefonaŭ. Da kamiercyjnaj vytvorčaści novaj pradukcyi mohuć pierajści ŭžo ŭ listapadzie hetaha hoda. Jak zaznačajuć na pradpryjemstvie, dla prasoŭvańnia novych mabilnych telefonaŭ buduć vykarystoŭvacca najaŭnyja kanały prodažu. «Mastoŭskaja sielhastechnika» ŭžo paśpiachova vyrablaje stacyjanarnyja telefonnyja aparaty marki Fetap, «Tełpinh ES», «Jeŭratef», «Luks». Novuju pradukcyju płanujecca pradavać praź sietki mabilnaj suviazi.
Mickievič taksama abvierh infarmacyju, jakaja źjaviłasia ŭ šerahu ŚMI, ab tym, što nibyta ŭ suviazi z zakryćciom na pradpryjemstvie 31 žniŭnia cecha № 2 pa vytvorčaści žhutoŭ i telefonnych aparataŭ i zvalnieńniem rabočych prajekt pa vytvorčaści mabilnych telefonaŭ dla piensijanieraŭ zhornuty. Jon zajaviŭ, što cech pracuje ŭ raniejšym režymie i maje namier realizavać usie namiečanyja płany.
