Juryja Iljeva vinavaciać u naniasieńni škody pradpryjemstvu ŭ sotni tysiač dalaraŭ.
KDB Homielskaj vobłaści raspačaŭ druhuju kryminalnuju spravu ŭ dačynieńni byłoha hiendyrektara AAT «Homielškło Juryja Iljeva. Heta stała vynikam pravierki, jakaja vyjaviła fakty złoŭžyvańnia słužbovymi paŭnamoctvami, paviedamiła BIEŁTA.
U mai minułaha hoda Iljeŭ byŭ zatrymany supracoŭnikami KDB padčas atrymańnia chabaru. Pavodle dadzienaha faktu raspačali kryminalnuju spravu.
Apošniaja pravierka pradpryjemstva vyjaviła fakty, jakija ŭkazvajuć na złoŭžyvańnie słužbovymi paŭnamoctvami z boku byłoha hiendyrektara. U parušeńnie damovaŭ na arendu budaŭničych mašyn, što byli zaklučanyja z adnoj z homielskich firmaŭ, tavarystva zapłaciła lišnich 174,7 młn rubloŭ. Akramia taho, pradpryjemstva nieabhruntavana śpisała zapazyčanaść ukrainskich kamiercyjnych struktur z pryčyny pieraacenki abaviazacielstvaŭ. U vyniku ŭ krainu nie pastupiła ekspartnaja vyručka, a pradpryjemstvu «Homielškło» naniesienaja škoda ŭ 287,7 tysiačaŭ dalaraŭ.
