9 lipienia 2022 hoda ŭ Polščy nabyvaje moc pastanova, jakaja dazvolić źviartacca pa dazvoł na časovaje pražyvańnie tym hramadzianam Biełarusi, jakija majuć polskuju humanitarnuju vizu (z paznakaj «D 21»). Pierad padačaj zajavaj na hety dazvoł na žycharstva čałaviek pavinien znachodzicca na terytoryi Polščy.
Novaja pracedura vydačy biełarusam dazvołu na žycharstva budzie mieć ceły šerah pieravah u paraŭnańnie:
- dazvoł budzie vydavacca adrazu na 3 hady;
- atrymańnie dazvołu nie budzie supravadžacca abaviazkam apłaty hierbavaha zboru;
- apłata nie budzie spahaniacca padčas vydačy karty pabytu (vidu na časovaje pražyvańnie) asobie, jakaja atrymała taki dazvoł;
- uładalnik takoha vidu dazvołu na časovaje pražyvańnie budzie vyzvaleny z abaviazku mieć dazvoł na pracu;
- z 1 studzienia 2023 h. uładalnik hetaha vidu dazvołu na časovaje pražyvańnie budzie mieć mahčymaść padavać zajavu na atrymańnie polskaha padarožnaha dakumientu dla inšaziemca.
Dazvoł na časovaje pražyvańnie budzie vydavacca vajavodam pa miescy znachodžańnia hramadzianina Biełarusi.
Z 1 studzienia 2023 hoda ŭładalnik hetkaha časovaha dazvołu na pražyvańnie zmoža chadajničać ab vydačy polskaha prajaznoha dakumientu dla zamiežnika.
«Mahčymaść sproščanaj lehalizacyi — jašče adna prajava asablivaj padtrymki Polščaj biełaruskaha hramadstva, jakoje zaznaje represii ŭ svajoj krainie sa žniŭnia 2020 hoda», — zajaviŭ pres-sakratar Upraŭleńnia pa spravach zamiežnikaŭ Jakub Dudziak.
Spraščeńnie lehalizacyi biełarusaŭ u Polščy było adnoj z temaŭ razmovy Śviatłany Cichanoŭskaj z premjer-ministram Mateŭšam Maravieckim 4 lipienia. Kiraŭnik polskaha ŭradu zapeŭniŭ biełaruskuju demakratyčnuju lidarku pra toje, što «źmieny nastupiać u chutkim časie».
