 Džeksany na scenie i na ekranie |
Cyrymonija ŭručeńnia videa-pryzoŭ MTV, jakaja adbyłasia ŭ Ńju-Jorku, poŭniłasia ŭzdymami i padzieńniami. Kienija Vest vychoplivaŭ mikrafon z ruk śpiavački Tejłar Śvift, Łejdzi Haha pierapranułasia ŭ skryvaŭlenaje cieła, Dženet Džeksan kasavała publiku supolnym numaram z bratam-niabožčykam, a Madona rasčuliła publiku pałymianaj pramovaj.
Radyjo-Choł, Ńju-Jork. Cyrymonija ŭručeńnia pryzoŭ za najlepšaje videa pavodle MTV. Ščaślivyja pieramožcy – ajrenbišnaja dziva Bijonsi, karaleva fryk-popa Łejdzi Haha, a taksama rok-hurt «Hryn-Dej». Bijonsi atrymała 3 pryzy, u ich lika samuju važnuju «Klip hodu» na pieśniu Single Ladies. Amatarka dziŭnotaŭ, apranienaja ŭ niabožčycu (u ablituju halivudnym kietčupam sukniu) Łejdzi Haha źniesła dadomu taksama 3 statuetki, u tym liku «Samaha paśpiachovaha klipa navička». Hrandžysty «Hryn Dej» dastali «Najlepšy rok-klip hoda».
 dvuboj Kienii Vesta i Tejłar Śvift |
I tut pačałosia śvietapradstaŭleńnie. 19-hadovaja Tejłar Śvift, adzinaja chto sioleta pradała albomaŭ bolš za Majkła Džeksana (jak viadoma, paśla śmierci prodažy "karaleŭskich» albomaŭ siahnuli niaznanych vyšyniaŭ), padniałasia na scenu i ŭžo pačała była kazać svaju «tronnuju» pramovu-padziaku, kali repier Kienija Vest pierachapiŭ mikrafon i na ŭsiu zalu pramoviŭ: «Tejłar, ja ŭściešany za ciabie, ale najlepšy klipaŭ usich časoŭ naležyć usio ž Bijonsi». Publika choć i pačała hańbavać Vestu, ale Tejłar vyrašyła nie skančać pramovy dy chucieńka pakinuła scenu.
 Łejdzi Haha i jaje viečarovaja suknia |
Akramia hetaha incydentu, a taksama vybrykaŭ Łejdzi Haha z harderobam, a taksama lalki žabiania Kiermitam, ź jakim taja ž łedzi pryjšła na cyrymoniju pad ručku, usia ŭvaha hledačoŭ była prykutaja da Majkła Džeksana, jaki pajšoŭ z žyćcia dva z pałovaj miesiacy tamu. La sceny vyšnuravaŭsia doŭhaja čarha muzykaŭ, jakija chacieli skazać za sceny paru słovaŭ pavahi da karala pop-muzyki. Siastra, Dženet Džeksan, pryjšła apranutaja ŭ stroi, viadomy pa ich z bratam supolnaj pieśni. Potym Dženet pratančyła svaju partyju, tym ža časam jak brat zavočna asistavaŭ jon z ekranu.
 Jaje Karaleŭskaja Mość |
I tut usio na svaje miescy rasstaviła Madona. Jana padniałasia va ŭsim čornym na scenu, ale nie dla taho kab čarhovy raz ekzaltavać prysutnych. Chutčej naadvarot: śpiarša pa-maciarynsku jana addała naležnaje Tejłar i skazała, što koliś taksama atrymała pryz ad MTV amal u tynejdžerskim vieku. Potym skazała: «Niama sumnievu, što Majkł Džeksan byŭ najvialikšym daram, jaki tolki naradžaŭsia ŭ hetym śviecie. Jon byŭ taki admietny, taki svojeasablivy redki talent… Jon byŭ karalom». Za što zasłužana i sarvała avacyju.
U jakaści bonus treka da cyrymonii publicy jašče pakazali trejler da dakumientalnaje stužki «This Is It/Voś jano», u jakoj Majkł Džeksan zaśniaty ŭ čas svaich apošnich repietycyjaŭ.
