21 vieraśnia Jaŭhien Skrabiec pojdzie słužyć u čyhunačnyja vojski pad Mahilovam. U chłopca chvoraja śpina.
Aktyvistu «Maładaho frontu» Jaŭhienu Skrabcu ŭručyli pozvu na zborny punkt. U paniadziełak 21 vieraśnia jon pojdzie słužyć u čyhunačnyja vojski pad Mahilovam. U Jaŭhiena surjoznaje zachvorvańnie śpiny – «viertebrahiennaja lumbaišałhija», jakoje vyklučaje mahčymaść słužby ŭ vojsku. Adnak paŭtornaja miedyčnaja kamisija, jakaja adbyłasia pa patrabavańni vajenkamata, pryznała junaka prydatnym dla słužby ŭ vojsku.
«Cikava, što ŭ dyjahnazie miedyčnaja kamisija napisała – «vertebrahiennaja lumbaišałhija źleva prahresuje», ale lekary skazali, što na dadzieny momant raźvićcio chvaroby prypyniłasia, a kali śpina budzie mianie turbavać – kab ja źviartaŭsia ŭ vajskovuju sančastku j usio», – kaža Ja. Skrabiec. Ciapier jon rychtuje skarhu ŭ sud.
Nahadajem, što na pačatku hodu ŭ vojska adnačasova byli pryzvanyja adrazu try maładyja apazicyjaniery – Ivan Šyła, Źmicier Chviedaruk i Franak Viačorka. Usie jany na momant pryzyvu mieli prablemy sa zdaroŭjem. Źmitru Chviedaruku ŭ vojsku daviałosia rabić apieracyju, bo jaho pryzvali z varykoznym pašyreńniem vienaŭ.