U płanach Papy Bieniedykta XVI na 2010 hod paznačany mahčymy pryjezd u Biełaruś.
U krasaviku 2009 h. Bieniedykt XVI sustreŭsia z Łukašenkam u Vatykanie.
Katalickaja infarmacyjnaja ahiencyja KAI apublikavała, što ŭ maršrutach Papy na 2010 hod značycca Malta, Vialikabrytanija, Hiermanija, a taksama Biełaruś ci Partuhalija.
Na pytańnie «Našaj Nivy», ci nasamreč Bieniedykt XVI płanuje ŭ 2010 hodzie naviedać našu krainu, adkazny za suviazi ź ŚMI pry Sakrataryjacie Kanfierencyi Katalickich Biskupaŭ u Biełarusi ksiondz Alaksandr Amialčenia adkazaŭ:
«Dakładna možna skazać tolki adno: Biełaruś vielmi čakaje Papu. Katalicki Kaścioł u Biełarusi z radaściu ŭsprymie hetuju navinu, kali jana paćvierdzicca».
Pakul nieviadoma, na karyść jakoj krainy zrobić svoj vybar Bieniedykt XVI. Z adnoha boku — Partuhalija z chramam u Facimie, čaćviertym pa vieličyni ŭ katalickim śviecie. Hety chram Bieniedykt XVI źbirajecca naviedać užo daŭno. Ź inšaha boku — Biełaruś i Alaksandar Łukašenka, jaki ŭžo nie raz vykazvaŭsia pra žadańnie arhanizavać sustreču Papy Bieniedykta XVI i Patryjarcha Maskoŭskaha Kiryła.
«Jak skazaŭ Papa, kali Haspodź adčynić hetyja dźviery, to sustreča adbudziecca. I ŭ hetym vypadku Biełaruś prapanuje siabie miescam hetaj sustrečy», — zaznačyŭ kiraŭnik dziaržavy ŭ krasaviku 2009 h., paśla sustrečy ź Bieniedyktam XVI u Vatykanie.
