Padrychtavany šeść narmatyŭna‑pravavych aktaŭ, jakija spraščajuć dziejnaść subjektaŭ małoha biźniesu. Častka ź ich znachodzicca na razhladzie ŭ Administracyi prezidenta, častka — va ŭradzie.
Pra heta na pres‑kanfierencyi 22 vieraśnia ŭ Minsku paviedamiŭ namieśnik dyrektara departamienta pa pradprymalnictvie Ministerstva ekanomiki Alaksandr Tapilin.
«Hetyja ŭkazy taksama vyrašać prablemy dziejnaści subjektaŭ haspadarańnia, jakija tyčacca mytnaha afarmleńnia i padatkovaj nahruzki, što ŭ kančatkovym vyniku budzie ŭpłyvać na košt, — adznačyŭ Tapilin. — Ale ŭ cełym jany buduć zakranać dziejnaść sub`iektaŭ małoha biźniesu».
Pavodle słoŭ śpiecyjalista, adzin z dakumientaŭ budzie źviazany sa źmienaj umoŭ padatkaabkładańnia z metaj panižeńnia padatkovaj nahruzki na pradpryjemstvy, u tym liku PUPy, jakija buduć pastaŭlać pradukcyju na ekspart.
«Mahčyma, budzie panižana staŭka padatku ŭdvaja, moža być vyklučany z bazy padatkaabkładańnia ab`iom vyručki ad realizacyi pradukcyi na ekspart», — adznačyŭ Tapilin. Pavodle jaho słoŭ, pakul heta prajekt, i ŭ jakim vyhladzie jon budzie pryniaty, jon nie viedaje.
Jon taksama adznačyŭ, što ŭsie prapanovy, jakija ŭnieśli pradstaŭniki biźniesu, u prajektach dakumientaŭ uličany.
Tapilin nahadaŭ, što ŭ adpaviednaści z rasparadžeńniem premjer‑ministra stvorana rabočaja hrupa dla apieratyŭnaha analizu situacyi, vypracoŭki mier i akazańnia subjektam małoha pradprymalnictva padtrymki pa realizacyi biełaruskich tavaraŭ na ŭnutranym i źniešnim rynkach. Pasiadžeńni hetaj hrupy prachodziać kožny tydzień, i pra vyniki paviedamlajecca prem`ier‑ministru. «Hrupa stvorana dla arhanizacyjnaj i narmatvorčaj pracy dla źniaćcia pieraškod u dziejnaści sub`iektaŭ małoha pradprymalnictva pry nabyćci i realizacyi biełaruskich tavaraŭ», — adznačyŭ Tapilin.
Jak raniej paviedamlałasia, 21 vieraśnia ŭ Minsku na kanfierencyi pradprymalnikaŭ «Za prava pradprymać!», arhanizavanaj respublikanskim hramadskim abjadnańniem «Pierśpiektyva», udzielniki forumu zaklikali prezidenta Biełarusi pravieści najbližejšym časam pieršy ahulnanacyjanalny źjezd pradprymalnikaŭ dla abmierkavańnia prablem małoha biźniesu.
Jak zajaviŭ kiraŭnik RHA «Pierśpiektyva» Anatol Šumčanka, praviadzieńnie takoha źjezda nieabchodna, kab prezident zmoh pahavaryć z pradprymalnikami «biez pasrednikaŭ, ščyra i adkryta».
«My čakajem ad prezidenta padtrymki ŭ vyrašeńni našych prablem i chočam adkazać tym ža», — padkreśliŭ Šumčanka.
