Fota Antona Matalko, tut.by
Fota Julii Daraškievič.
Błohier malishevsky vyznačyŭ, jakoj marki hadzińnik nosić Alaksandr Łukašenka. Jon razhledzieŭ heta na zdymkach, zroblenych fatohrafami niezaležnych ŚMI.
U časie vizitu Łukašenki ŭ Litvu jany mieli redkuju mahčymaść fatahrafavać kiraŭnika Biełarusi ŭ svabodnym režymie. Unutry krainy zdymać Łukašenku dazvalajuć tolki hrupie abranych fatohrafaŭ, pryčym z peŭnych rakursaŭ.
Zdymać jaho ŭ profil, naprykład, zabaroniena.
Jak piša błohier, na pravaj ruce Alaksandra Łukašenki hadzińnik nie niebaraki‑zavodu «Pramień». Heta šviejcarski hadzińnik Patek Philippe Calatrava 5120j. Jon kaštuje amal 16 tysiač dalaraŭ, abo 11 tysiač jeŭra.
Takija ž hadzińniki majuć, darečy, Pucin i Łužkoŭ.
Infarmacyja pra zarpłatu Łukašenki zakrytaja. Jaje publikujuć tolki za hady, što papiaredničajuć prezidenckim vybaram. U 2005 hodzie jana składała kala 2300 dalaraŭ u miesiac. Choć Łukašenka nie raz publična nazyvaŭ siabie «žabrakom», jon aceńvaje svoj «dakładny čas» u 7 miesiačnych zarobkaŭ.
Palityčnaja kultura zachodnich krainaŭ zusim inšaja. Hetak, prezident Abama karystajecca hadzińnikam Jorg Gray 6500 Chronograph usiaho za 325 dalaraŭ.