Jak paviedamili ŭ pres‑słužbie UUS Homielskaha abłvykankama, trahiedyja adbyłasia 27 vieraśnia ŭ vioscy Laskavičy Pietrykaŭskaha rajona.
U hety dzień u svaim domie z nažavym ranieńniem znojdzieny trup biespracoŭnaha mužčyny 1964 hoda naradžeńnia. Zhodna z papiarednim zaklučeńniem ekśpiertyzy, śmierć nastupiła ad pranikalnaha kołata‑rezanaha ranieńnia ściahna i straty kryvi. Ustanoŭlena, što 27 vieraśnia ŭ 16.00 15‑hadovaja dziaŭčyna, vučanica 9‑ha kłasa Laskavickaj siaredniaj škoły, padčas svarki z baćkam kinuła ŭ jaho nažom i paraniła. 27 vieraśnia raspačataja sprava pa art. 147 KK (naniasieńnie ciažkich cialesnych paškodžańniaŭ, što vyklikała śmierć).
U Homielskaj vobłaści za apošnija dva hady heta nie pieršy vypadak zabojstva padletkami svaich baćkoŭ. U 2008 hodzie ŭ Śvietłahorskim rajonie 21‑hadovy chłopiec i jaho 15‑hadovaja siastra zabili baćku, u studzieni 2009 hoda ŭ Buda‑Kašaloŭskim.
***
U vyniku pažaru ŭ vioscy Załužža Staradarožskaha rajona Minskaj vobłaści zahinuła žančyna i dvoje jaje dziaciej.
Jak paviedamiŭ pres-sakratar Ministerstva pa nadzvyčajnych situacyjach Vital Navicki, vyklik pastupiŭ u 2.49 nočy ŭ paniadziełak, 28 vieraśnia. «Pažarnych vyklikali miascovyja žychary, jakija paviedamili, što haryć užo dach doma. Padraździaleńnie ratavalnikaŭ prybyło na miesca praź piać chvilin. Adnak za hety čas ahniom byŭ achopleny ŭvieś dom, i zrabić było praktyčna ničoha niemahčyma», — adznačyŭ Navicki.
Z doma vybraŭsia tolki haspadar.
«Adnak jon znachodziŭsia ŭ šokavym stanie, i nie zmoh patłumačyć, ci jość u domie ludzi, i dzie jany znachodziacca.U vyniku ŭ ahni zahinuła žančyna 1986 hoda naradžeńnia i dvoje jaje dziaciej va ŭzroście piaci i adnaho hoda», — skazaŭ Navicki.
Pavodle jaho słoŭ, u hety momant razhladajucca dźvie viersii ŭzharańnia: parušeńnie praviłaŭ ekspłuatacyi piačnoha aciapleńnia (pierapalvańnie piečy) abo karotkaje zamykańnie ŭ elektrasietcy.
Navicki taksama adznačyŭ, što dom nie byŭ abstalavany pažarnaj sihnalizacyjaj.
