Va ŭzroście 87 hadoŭ u stalicy Polščy pamior Marek Edelman — viadomy palityčny i hramadski dziejač, kiraŭnik paŭstańnia ŭ Varšaŭskim hieta.
Marek Edelman naradziŭsia ŭ 1922 hodzie ŭ Homieli, zatym razam z baćkami pierajechaŭ u Varšavu. Byŭ adnym z kiraŭnikoŭ paŭstańnia ŭ Varšaŭskim hieta ŭ hady Druhoj suśvietnaj vajny. Napisaŭ niekalki knih uspaminaŭ ab paŭstańni ŭ hieta. Historyju samoha Edelmana apisała Channa Kral u knizie «Paśpieć pierad Hospadam Boham».
U 1976 hodzie Marek Edelman byŭ adnym z padpisantaŭ «Lista 101» suprać uniasieńnia papravak u Kanstytucyju Polskaj Narodnaj Respubliki. U hetym ža hodzie braŭ udzieł u stvareńni Kamiteta abarony rabočych. Jak aktyvist «Salidarnaści» byŭ internavany padčas vajennaha stanovišča. U 1989 hodzie — udzielnik pieramoŭ za kruhłym stałom, jakija pryviali da častkova svabodnych parłamienckich vybaraŭ i padzieńnia kamunistyčnaha režymu ŭ Polščy.17 krasavika 1998 hoda atrymaŭ vyšejšuju ŭznaharodu Polščy — orden Biełaha arła. U krasaviku 2008 hoda prezident Francyi Nikala Sarkazi ŭznaharodziŭ Mareka Edelmana vyšejšaj uznaharodaj hetaj krainy — ordenam Hanarovaha lehijona.
0
0
0
0
0
0
