Navatarskaja Halereja sučasnaha mastactva adčyniłasia ŭ punkcie pryjomu škłotary.
Na miescy viadomaha miesca pryjoma‑škłatary z charakternaj nazvaj «Dyjanisij», što na praśpiekcie Niezaležnaści 37a, u dvarach za płoščaj Pieramohi, siońnia adčyniajecca novaja Halereja sučasnaha mastactva «Ŭ».
Art‑dyrektar halerei «Ŭ» Hanna Čystasierdava kaža, što nazva «Ŭ» abumoŭlenaja tym, što mienavita hetaja litara adroźnivaje nas ad inšych movaŭ. «"Ŭ" źjaŭlajecca indentyfikacyjnaj litaraj biełaruskaj kultury. Ideja ŭźnikła daŭno, niekalki hadoŭ tamu.
Dumaju, što jak my nazvalisia tak i papłyviem — «Ŭ‑iak»: chutka, vysoka, i nasyčana».
Što da punkta pryjomu škłatary, to jon źnik jašče da našaha prychodu. My tut ni pry čym. U Minsku nie chapaje kulturnaj prastory i kali punkty pryjomu škłatary buduć zamianiacca kulturnymi placoŭkami, heta budzie plus. U budučym treba budzie zachapić, naprykład, zavod ci cech, kab było bolš miesca dla kultury», — praciahvaje spadarnyja Čystasierdava.
Halereja sučasnaha mastactva «Ŭ» abiacaje być miescam nie tolki dla vystavaŭ mastakoŭ, ale i kulturnaj placoŭkaj dla roznych vidaŭ sučasnaha mastactva. U halerei buduć prachodzić litaraturnyja prezientacyi, videapakazy, sieminary i lekcyi pa roznych temach. Na praciahu kastryčnika pry halerei adčynicca kaviarnia i handlovaja častka, dzie možna budzie nabyć suvieniry i padarunki, pradmiety tvorčaści biełaruskich mastakoŭ i dyzajnieraŭ, jakija buduć uvasablać sučasnuju biełaruskuju kulturu nie ŭ vyhladzie «całamianych cacačak».
Na praciahu dvuch‑troch tydniaŭ u halerei «Ŭ» zapracuje kniharnia, dzie možna budzie sieści z kubkam harbaty i pačytać knihu, jakaja spadabałasia.
Alaksandra Dyńko, dyrektarka kniharni Halerei sučasnaha mastactva «Ŭ», zaznačaje:
«Spadziajemsia naša kniharnia stanie zvyčajnaj jeŭrapiejskaj kniharniaj. U nas budzie vaj‑faj i budzie mahčymaść vypić kubak kavy.
Kožny čałaviek budzie mieć mahčymaść pakinuć zamovu, što b jon chacieŭ pačytać, jakuju knihu chacieŭ by bačyć. Budzie buk‑krosinh, možna budzie prynieści siudy knihi, jakija vy pračytali, kab pakinuć dla inšych ludziej. Taksama budzie mahčymaść prynosić knihi dla dziciačych prytułkaŭ. Płanujem u budučym pryvučyć našych naviednikaŭ, što kniha heta nie tolki staronki i vokładka. Spadziajusia, što ŭ chutkim časie pačniem pradavać ličbavyja knihi, rydery».
7 kastryčnika adbudziecca ŭračystaje adkryćcio Halerei.
Z 8 kastryčnika možna naviedać piersanalnuju vystavu Siarhieja Kiruščanki «EARTH ART» («Nadyjšoŭ čas ščylna zaniacca pryziemlenym mastactvam»), arhanizavanuju pry padtrymcy «Biełaruskaha Narodnaha Banka». U ekspazicyi prezientavany 4 žyvapisnyja poliptychi (raźmieščanych pa troch ścienach halerei), šoŭkahrafii z 10 častak i, fota‑dakumientacyja i słajd šoŭ. U svaich tvorach mastak pierapracoŭvaje tradycyi minimalizma 20‑50‑ch hadoŭ praz pryzmu viaskovych krajavidaŭ.
12 kastryčnika ŭ halerei adbudziecca prezientacyja knihi Alaksandra Sapiehi. 27 kastryčnika projdzie majstar‑kłas aŭstralijskaha muzykanta, miedya‑artysta Bena Frosta. U miežach prajekta buduć prezientavany niekalki videainstalacyj i adbudziecca supolnaja vystava maładych biełaruskich mastakoŭ.
