«Hazprom» nie maje namieru adychodzić ad papiarednich damoŭlenaściej nakont cenaŭ na haz dla Biełarusi, što praduhledžvajuć ich paetapnaje pavyšeńnie, zajaviŭ staršynia praŭleńnia rasijskaha hazavaha chołdynhu Alaksiej Miler.
Miler, što biare ŭdzieł u rabocie XXIV Suśvietnaha hazavaha kanhresu ŭ Buenas‑Ajresie, 7 kastryčnika praćvierdziŭ ćviordaść pazicyi «Hazproma» ŭ raźlikach ź Biełaruśsiu. Pavodle słovaŭ kiraŭnika «Hazproma»,
nieabchodna pracavać u adpaviednaści z kantraktam.
Napiaredadni pieršy namieśnik premjer‑ministra Biełarusi Uładzimir Siamaška paviedamiŭ, što Minsk viadzie pieramovy z «Hazpromam», kab paźbiehnuć «usplosku cany» na haz u 2010 hodzie. Pavodle Siamaški, premjer‑ministr Siarhiej Sidorski daručyŭ ministru enierhietyki Alaksandru Aziarcu pravieści pieramovy z «Hazpromam» z ulikam fors‑mažornych abstavin, źviazanych z kryzisam.
***
31 śniežnia 2006 hoda AAT «Hazprom» i AAT «Biełtranshaz» padpisali kantrakt na pastaŭku i tranzit hazu ŭ 2007—2011 hadach. Dakumientam, u pryvatnaści, była vyznačana formuła cany z 1 studzienia 2008 h. (adpaviadajučaja formule cany pry pastaŭkach rasijskaha haza ŭ Jeŭropu), a taksama panižalnyja kaeficyjenty cany na 2008—2010 hady (0,67, 0,8 i 0,9 adpaviedna). Z 2011 h. Biełaruś pavinny vyjści na ŭzrovień cany na haz, što zabiaśpiečvaje roŭnuju dachodnaść z pastaŭkami ŭ Jeŭropu.
