«Rasijskija vajskoŭcy apieratyŭna‑stratehičnych vučeńniaŭ «Zachad‑2009» pakidajuć terytoryju Biełarusi ŭ płanavym paradku, biez zryvaŭ»,
— paviedamiŭ BiełaPAN načalnik pres‑słužby Ministerstva abarony Biełarusi Viačasłaŭ Ramienčyk.
Pavodle jaho słoŭ, płanujecca, što apošni ešałon z rasijskimi vajskoŭcami ŭ chutkim časie adpravicca ź Biełarusi ŭ RF.
Nahadajem, na terytoryi Biełarusi vučeńni «Zachad‑2009» pravodzilisia z 18 pa 29 vieraśnia. Pieršy rasijski vajskovy ešałon prybyŭ u krainu 9 vieraśnia. Usiaho na biełaruskuju terytoryju było pieradysłakavana prykładna 6 tys. vajskoŭcaŭ rasijskaj armii i dziasiatki adzinak roznaj techniki.
Pakidać Biełaruś rasijskija vojski pačali ŭžo ŭ apošni dzień vučeńniaŭ — 29 vieraśnia pajšła pieršaja aŭtamabilnaja kałona, na nastupny dzień — pieršy voinski ešałon. Avijacyja Uzbrojenych sił Rasii, jakaja brała ŭdzieł u vučeńniach, 1 kastryčnika pieralacieła na aeradromy pastajannaha baziravańnia na terytoryi RF.