U Biełarusi sioleta ordenam Maci ŭznaharodžany 305 žančyn, jakija naradzili i dastojna vychavali piać i bolš dziaciej.
Pra heta paviedamiła zahadčyca adździeła dziaržaŭnych uznaharod hałoŭnaha ŭpraŭleńnia kadravaj palityki Administracyi prezidenta Iryna Isajeva.
Jana adznačyła, što ŭsiaho ordenam Maci (hety vysoki znak maciarynskaj hodnaści byŭ zasnavany ŭkazam kiraŭnika dziaržavy ŭ 1995 hodzie) ŭznaharodžany 6 tys. 122 žančyny. Darečy, u minułym hodzie hetaj hanarovaj uznaharody ŭdastojeny 428 šmatdzietnych maci, u 2007‑m — 483, u 2006‑m — 534, u 2005‑m — 289.
Iryna Isajeva nahadała, što ŭ adpaviednaści z ukazam z 2006 hoda pry uznaharodžvańni ordenam Maci vypłačvajecca suma ŭ pamiery 5‑kratnaha biudžetu pražytačnaha minimumu ŭ siarednim na dušu nasielnictva (BPM z 1 žniŭnia pa 31 kastryčnika 2009 hoda składaje Br249 tys. 410). Vypłaty ažyćciaŭlajucca sa srodkaŭ respublikanskaha biudžetu. Akramia taho, u rehijonach Biełarusi rašeńniem miascovych vykanaŭčych i rasparadčych orhanaŭ ustanoŭleny roznyja dadatkovyja formy zaachvočvańnia ŭznaharodžanych hetym ordenam.
