U sieradu pa telebačańni byŭ pakazany siužet, dzie kiraŭnik krainy Alaksandr Łukašenka nazvaŭ rodnaj jak biełaruskuju, tak i rasijskuju movy.
Adznačyŭšy pry hetym, što doma razmaŭlaje jašče i na trasiancy. Paśla hetaha siužeta niekatoryja pierapisčyki zaŭvažyli źmienu ŭ adkazach ludziej na pytańnie ab rodnaj movie.
Tak, sa słoŭ pierapisčycy Asi Papłaŭskaj — studentki Instytuta žurnalistyki BDU — bolšaść stałych i siaredniaha vieku ludziej ciapier adkazvajuć, što rodnaja nie biełaruskaja (jak raniej), a jany razmaŭlajuć «jak prezident».
«Učora, padčas pierapisvańnia, ludzi pačali tak adkazvać. Ja prasiła vyznačycca ź jakoj‑kolviek adnoj movaj. Nielha paznačać adrazu dźvie rodnyja. Ludzi ŭ asnoŭnym vybirali biełaruskuju. Pryčym, havoračy «jak prezident», ludzi byli absalutna surjoznyja. Ale ŭvohule, kolkaść apytanych, što nazyvali rodnaj biełaruskuju, paśla siužeta sa słovami Łukašenki nie źmianiłasia. Słovy kiraŭnika dziaržavy nie paŭpłyvali na vybar ludziej».
