Mierkavanaja pryčyna pažaru na Minskim zavodzie šaścierań — parušeńnie patrabavańniaŭ biaśpieki elektrazvarščykam i ślesaram, jakija pravodzili ramont u stanie ałkaholnaha apjanieńnia.
Pažar adbyŭsia dniom 15 kastryčnika ŭ mietaličnym cechu № 1, raźmieščanym u padvale Minskaha zavoda šaścierań. Supracoŭniki MNS, jakija prybyli na miesca, ubačyli, što pałajuć transparciornaja stužka, masła i mietaličnaja stružka. Hareńnie vyklikała vielmi mocnaje zadymleńnie ŭ cechu.
Pažar likvidavali 100 rabotnikaŭ MNS z pryciahnieńniem 32 adzinak ratavalnaj techniki.
U vyniku ŭzharańnia było źniščana 80 pahonnych mietraŭ transparciornaj stužki, 100 pahonnych mietraŭ transparciornaj stužki paškodžana.
Cech, dzie adbyłosia ŭzharańnie, nie pracavaŭ, tamu na technałahičny praces zavoda pažar nie paŭpłyvaŭ. Rabočyja, pa vinie jakich, jak miarkujecca, uźnik pažar, nie paciarpieli. Kali pačałosia zadymleńnie, jany biez prablem vyjšli z cecha.
0
0
0
0
0
0
