Zaliŭka fundamientnych plit pad pieršy ŭ Biełarusi žyły chmaračos «Vietraź» pačałasia 26 kastryčnika ŭ Minsku. 32‑paviarchovy budynak uzvodzicca na skryžavańni vulic Cimirazieva, Maksima Tanka i Kalvaryjskaja, paviedamiŭ hienieralny dyrektar STAA «Minsk‑sici» Siarhiej Kisialoŭ.
U budynku vyšynioj 132 mietry budzie 165 kvater (ad adna‑ da čatyrochpakajovych płoščaj ad 63 da 188 kvadratnych mietraŭ). Na vierchnich pavierchach raźmieściacca dvuchuzroŭnievyja pientchausy z vychadam na terasy. Dla aŭtamabilaŭ budzie praduhledžany padziemny multyparkinh na 195 miescaŭ.
Zhodna z płanam, budaŭnictva žyłoha doma zavieršycca ŭ siaredzinie 2011 hoda.
Nahadajem, rasijski chołdynh «Itera» inviestuje srodki ŭ budaŭnictva biźnies‑centra na vulicy Maksima Tanka. Tut buduć uźviedzieny žyły dom, administracyjny budynak i hatel. Akramia hetaha, «Itera» realizuje ŭ biełaruskaj stalicy prajekt budaŭnictva žyłoha kvartała «Minsk‑sici». Pačatak uźviadzieńnia pieršych abjektaŭ zapłanavany na pieršy kvartał 2010 hoda. Ciapier na miescy budučaj sportplacoŭki pravodzicca demantaž i utylizacyja adchodaŭ budynkaŭ i zbudavańniaŭ zavoda KŽV‑214.
