Staŭka ekspartnaj pošliny na rasijskuju naftu 1 listapada panižana z 240,7 da 231,2 dalara za tonu. Adpaviednaje rašeńnie ŭtrymlivajecca ŭ pastanovie ŭrada № 1410 ad 29 kastryčnika.
Mižuradavym biełaruska-rasijskim pahadnieńniem staŭki ekspartnych pošlin na naftu i naftapradukty ŭ Biełarusi ŭstanaŭlivajucca ŭ pamiery, roŭnym staŭkam, jakija prymianiajucca ŭ Rasii. Uvodzicca ŭ dziejańnie jany pavinny ŭ tyja ž terminy, što i staŭki, jakija ŭstanaŭlivajucca adpaviednymi narmatyŭnymi pravavymi aktami Rasii.
Zhodna z dvuchbakovymi damoŭlenaściami, pošlina na naftu, jakaja pastaŭlajecca ŭ Biełaruś z Rasii, u 2009 hodzie raźličvajecca z prymianieńniem kaeficyjenta 0,356. Takim čynam, z 1 listapada jana składzie dla Biełarusi 82,3 dalara za tonu suprać 85,7 u kastryčniku.
1 listapada ŭ Biełarusi taksama pavyšany ekspartnyja pošliny na naftapradukty. U pryvatnaści, pošlina na śvietłyja naftapradukty (lohkija i siarednija dystylaty, hazojli, bienzoł, tałuoł, ksiłoły) składzie 168,1 suprać 174,5 dalara za tonu, na ciomnyja naftapradukty (masła, adpracavanyja naftapradukty, minieralnyja voski, koks naftavy, bitum naftavy i inšyja reštki naftapierapracoŭki) — 90,5 suprać 94 dalaraŭ za tonu.
