Pracoŭnyja piensii pa ŭzroście 1 listapada pavyšany ŭ siarednim na 9,5%. Adpaviedny ŭkaz prezident padpisaŭ 25 kastryčnika.
Siaredni pamier pracoŭnych piensij u listapadzie 2009 hoda składzie 434 tys. 600 rubloŭ, pa ŭzroście — 450 tysiač. Siaredni pamier pracoŭnych piensij pavialičycca na 37,6 tys. rubloŭ, piensij pa ŭzroście — na 40 tysiač. Piensii pavysiacca adpaviedna pracoŭnamu stažu, zarobku, pravu na nadbaŭki.
Raschody dziaržavy ŭ suviazi ź finansavańniem pavyšanych piensij pavialičacca na 92 młrd. rubloŭ. U kastryčniku raschody na vypłatu piensij skłali amal 190 młrd. rubloŭ. U Biełarusi 2 młn. 400 čałaviek atrymlivajuć piensii ŭ orhanach pa pracy, zaniataści i sacyjalnaj abaronie, ź ich 2 młn. — piensii pa ŭzroście.
Novyja piensii ŭ Minsku i Viciebskaj vobłaści pačnuć vypłačvać 1 listapada, u astatnich rehijonach Biełarusi — 5 listapada. Jak raniej paviedamlałasia, pracoŭnyja piensii ŭ hetym hodzie pavyšany ŭpieršyniu.
