Pra heta paviedamiŭ hienieralny konsuł Polščy ŭ Breście Jarasłaŭ Ksionžek.
«My spadziajomsia, što siońnia buduć zakončanyja ŭsie miedycynskija farmalnaści, zakončycca afarmleńnie dakumientaŭ. Adrazu paśla praviadzieńnia nieabchodnych farmalnaściaŭ cieły zahinułych buduć dastaŭlenyja ŭ Polšču i pieradadzienyja rodnym», — skazaŭ konsuł.
Jak raniej paviedamlałasia, u viertalocie Pamiežnaj varty Polščy, jaki raźbiŭsia viečaram 31 kastryčnika, znachodzilisia try členy ekipaža: piłot 1960 hoda naradžeńnia, navihatar 1974 hoda naradžeńnia i apieratar 1975 hoda naradžeńnia. Viertalot ažyćciaŭlaŭ płanavy ablot miažy. U 20.11 biełaruskamu boku pastupiła infarmacyja ad polskich pamiežnikaŭ ab tym, što suviaź z sudnam źnikła. Pošukavyja pracy na miažy vialisia bolš za šeść hadzin. Abłomki viertalota znojdzienyja 1 listapada ŭ 4.48 na biełaruskaj terytoryi za 200 mietraŭ ad linii miažy pablizu nasielenaha punkta Vysokaje (Kamianiecki rajon Bresckaj vobłaści).
Cieły lotčykaŭ byli mocna paškodžanyja. Śmierć členaŭ ekipaža nastała imhnienna. Viertalot ad mocnaha ŭdaru ab ziamlu całkam razburany.
2 listapada pa fakcie krušeńnia polskaha viertalota Bresckaja transpartnaja prakuratura raspačała spravu pa č. 3 art. 314 Kryminalnaha kodeksa (parušeńni pravił biaśpieki ruchu ci ekspłuatacyi čyhunačnaha, pavietranaha abo vodnaha transpartu).
Papiarednija pryčyny katastrofy nie paviedamlajucca.
