Pnieŭmanija dyjahnastavana ŭ 827 čałaviek, u tym liku ŭ 643 darosłych i ŭ 184 dziaciej. Pra heta paviedamili ŭ pres‑słužbie Homielskaha abłvykankama.
Pavodle infarmacyi pres‑słužby, u Biełarusi praciahvajecca ŭzdym zachvorvańnia na hryp i vostryja reśpiratornyja infiekcyi. Z 2 pa 9 listapada ŭ 18 kantrolnych haradach krainie zarehistravana
223.349 vypadkaŭ hrypu i vostrych reśpiratornych zachvorvańniaŭ.
Siarod kantrolnych haradoŭ najbolš vysokija ŭzroŭni zachvorvańnia na hryp i VRVI rehistrujucca ŭ haradach Rečyca, Homiel, Mazyr, Maładziečna, Mahiloŭ, Viciebsk, Barysaŭ, Minsk, Salihorsk.
U vobłaści z 2 pa 9 listapada dyjahnaz «hryp» i «vostryja reśpiratornyja zachvorvańni (VRZ)» pastaŭleny 48 752 čałaviekam, ź ich udzielnaja vaha dziaciej skłała 49% (24 051), darosłych — 51% (24701). Udzielnaja vaha špitalizavanych skłała 2,7% (1.299 čałaviek). Siarod špitalizavanych pieravažajuć dzieci (60%).
Na ŭsich administracyjnych terytoryjach Homielskaj vobłaści ŭviedzieny kompleks prafiłaktyčnych mierapryjemstvaŭ. U suviazi z vysokim uzroŭniem zachvorvańnia ŭ Homielskaj vobłaści na 9 listapada ŭ 169 škołach i troch ustanovach praftechadukacyi prypynieny navučalny praces.
Ab vypadkach hrypu A (H1N1) pres‑słužba nie paviedamlaje, jak i abłasny centr hihijeny i epidemijałohii.