14 listapada (subota) projdzie «Jeŭrapiejski forum» — vialiki zbor prychilnikaŭ Milinkieviča.
Jon raspačniecca ad 10.00 u DK Minskaha aŭtamabilnaha zavoda. Delehatami vyłučanyja bolš za 1200 čałaviek. Čakajecca pryjezd zamiežnych haściej ź Jeŭraparłamienta, Jeŭrapiejskaj Narodnaj Partyi, parłamientaŭ Polščy i Litvy.
Pakul nie da kanca jasnyja mety, jakich chočuć dasiahnuć na Forumie. «Mierapryjemstva pravodzicca, kab acanić našy ludskija resursy, stan, pierśpiektyvy. U kancy forumu budzie pryniataja rezalucyja i płan dalejšych dziejańniaŭ. Naprykancy miarkujecca vynikovy vystup Alaksandra Milinkieviča», — kaža namieśnik staršyni Ruchu «Za Svabodu» Juraś Hubarevič.
Hubarevič padkreślivaje, što nijakich pastanovaŭ adnosna bližejšych vybaraŭ prymacca nie budzie.
«My chočam pravieści trošku šyrejšaje, čym čysta palityčnaje mierapryjemstva. Buduć pracavać try siekcyi na temu palityki, ekanomiki i hramadstva».
Sam Milinkievič jašče nie peŭny, ci budzie ŭdzielničać u nastupnych vybarach.
Forum projdzie napiaredadni rašeńnia Jeŭrasajuza ab padaŭžeńni ci prypynieńni sankcyj suprać biełaruskich čynoŭnikaŭ. Jano budzie prymacca 17 listapada ŭ Brusieli. Tamu zryvać pracu mierapryjemstva, jak ličycca, niavyhadna dla ŭładaŭ.
