Forvard zbornaj Francyi i «Barsiełony» Ćjery Anry zrabiŭ zajavu z nahody hulni rukoj u stykavym matčy sa zbornaj Irłandyi 18 listapada ŭ Paryžy (1:1).
«Ja ŭžo kazaŭ i znoŭ paŭtaru: tak, ja zhulaŭ rukoj. Ja nie ašukaniec i nikoli im nie byŭ. Heta była instyktyŭnaja reakcyja, bo miač ruchaŭsia vielmi chutka, a vakoł było šmat supiernikaŭ. Futbalist nie moža sabie dazvolić raskošu zapavolić palot miača, kab pryniać ŭzvažanaje rašeńnie. Ludzi bačać zzapavolenym paŭtor epizodu, ja ž, jak i luby inšy futbalist, baču na pole zusim inšuju karcinu.
Kali pahladzieć hety epizod na poŭnaj chutkaści, to budzie vidać, što majo dziejańnie było reflektornym. U dadzienym vypadku niemahčyma było zhulać niejak inakš. Ja nikoli nie admaŭlaŭ, što kantralavaŭ miač rukoj. Ja skazaŭ ab hetym irłandskim hulcam, sudździ i presie paśla matča.
Nasamreč, ja zasmučany tym, jakim čynam my vyjhrali, i vielmi spačuvaju irłandcam, jakija zasłuhoŭvajuć pajezdki ŭ Paŭdniova‑Afrykanskuju Respubliku.
Samym pravilnym rašeńniem było b pierahulać matč, adnak heta pa‑za majoj kampietencyjaj.
Ja nie mahu zrabić bolš ‑ tolki pryznaju, što my zraŭniali lik paśla taho, jak miač trapiŭ mnie ŭ ruku «.
Tym časam FIFA admoviła Irłandyi ŭ prośbie pierahulać matč.