Ź pieršaha žniŭnia biełaruskaje Radyjo Racyja ź Biełastoka nabyło novuju častatu i pavialičyła abjom viaščańnia.
Ciapier štodnia Radyjo Racyja čuvać piać hadzinaŭ na siarednich chvalach i kruhłyja sutki ŭ FM-dyjapazonie. A taksama kruhłyja sutki ŭ internecie pa adrasie www.racyja.com.
Takim čynam, hołas svabodnaje Biełarusi, a mienavita tak pazicyjanuje siabie Radyjo Racyja možna słuchać:
- z 20 da 22 hadzinaŭ pavodle biełaruskaha času na častacie 1080 kiłahierc;
- z 22 da 24 hadzinaŭ na častacie 666 kiłahierc.
Jašče adna hadzina efiru hučyć ad 9 da 10 hadziny ranicy na chvali 612 kiłahierc.
Žychary vakolic Astraŭca, Ašmianaŭ dy Lidy mohuć słuchać Radyjo Racyja z 20 da 20.30 u FM-dyjapazonie na chvalach vilenskaha radyjo “Z nad Vilii” na častacie 103.8. Kruhłasutačna radyjo čuvać u Biełastoku na 105.5-FM.
Ad vieraśnia radyjo Racyja płanuje raspačać kruhłasutačnaje FM-viaščańnie na takija harady, jak Hrodna, Vaŭkavysk i Brest.
- My majem dobra razhalinavanuju pa ŭsioj Biełarusi słužbu infarmacyi, jakaja ŭžo ciapier štodnia rychtuje dva ekskluziŭnyja dziesiacichvilinnyja vypuski navinaŭ. U našaj prahramie 14 aŭtarskich pieradač, siarod našych aŭtaraŭ viadomyja i aŭtarytetnyja ŭ Biełarusi žurnalisty, - paviedamiŭ prahramny dyrektar Radyjo Racyja Mikoła Markievič.