Askiepki LP — heta biełaruskamoŭny albom z muzykaj, jakaja vahajecca pamiž naporystym kraŭt-rokam i pastpankam, časam stupajučy na elektrapop-terytoryju. Albom uzdoŭž i ŭpopierak prasiaknuty biełaruskim vajbam: tut padymajucca temy mihracyi, raźjadnanaści i biaskoncaha biełaruskaha leta, ahornutyja ŭ śmiełyja, časam psichadeličnyja sintezatarnyja ekśpierymienty.
— Dziesiać trekaŭ, piać hadoŭ, šeść krain — albom Askiepki ŭvabraŭ u siabie vielmi šmat i stvaraŭsia vielmi pavolna, uryŭkami i naskokam. Žyćcio apošnija hady nie spryjała zapisu muzyki, ale ŭpartaść pieramahła, — kažuć muzyki.
— My chočam, kab hety albom byŭ mościkam cieraź miežy i pamiž haradami, kab jaho słuchali i ŭ Miensku, i ŭ Vilni, i ŭ Homieli, i ŭ Hdańsku — paŭsiul, dzie jon moža być pačuty i dzie jaho zrazumiejuć. My bačym svaju pracu častkaj novaj chvali biełaruskaj muzyki, jakaja źjaŭlajecca prosta ciapier i niasie ŭ sabie budučyniu.
Andrej Vaźjanaŭ i Pavieł Astachaŭ (hurt Vapna)
Vapna — heta duet Andreja Vaźjanava i Paŭła Astachava. Hurt byŭ zasnavany ŭ 2019 hodzie pad nazvaj Novy Byt, zatym byŭ pierajmienavany ŭ Vapna. Ułasna, materyjał dla alboma byŭ zapisany ŭ pieryjad z 2019 pa 2022 hady, tamu ŭvieś nierv sučasnaj historyi Biełarusi možna adčuć u albomie poŭnaściu.
Słuchać albom možna na ŭsich stryminh-płatformach.
Padtrymać albom na Bandcamp.
