Śledstva pa spravie vaŭkavyskich pradprymalnikaŭ Mikałaja Aŭtuchoviča i Uładzimira Asipienki zavieršana.
Pra heta paviedamiła Tamara Sidarenka, advakat Uładzimira Asipienki. Jak zaznačyła advakat, 26 listapada jaje padabaronny padpisaŭ pratakoł ab zakančeńni śledstva. «My ź im pačali znajomicca z materyjałami spravy», — skazała Sidarenka.
Jak zaznačyŭ pravaabaronca Aleh Vołčak, zaviaršeńnie śledstva ŭ dačynieńni da Asipienki aznačaje, što jano zavieršana i ŭ dačynieńni da Aŭtuchoviča.
***
Vaŭkavyskija pradprymalniki Mikałaj Aŭtuchovič, Juryj Lavonaŭ i Uładzimir Asipienka byli zatrymany 8 lutaha 2009 hoda. 18 lutaha im było pradjaŭlena abvinavačańnie pa art. 218 Kryminalnaha kodeksa. 23 červienia ŭ dačynieńni da Aŭtuchoviča i, jak paviedamiła MUS, «inšych asob» była raspačata sprava pa art. 359 KK (terarystyčny akt) u vyhladzie padrychtoŭki (art. 13). Abvinavačańnie ŭ padrychtoŭcy terarystyčnaha akta Asipienku i Aŭtuchoviču było pradjaŭlena 20 listapada.
8 žniŭnia Lavonava vyzvalili ź minskaha śledčaha izalatara, a 24 vieraśnia ź jaho byli źniaty ŭsie abvinavačańni.
