Kiraŭnictva «Kanadyjens» praciahvaje sproby abmianiać bratoŭ Kaścicynych.
Hienieralny mieniedžer «Manreala» Bob Hiejni źbirajecca vykarystać biełaruskich forvardaŭ u šmatbakovaj uhodzie:
adnym z mahčymych pakupnikoŭ nazyvajuć «Edmantan Ojlerz» Mikałaja Chabibulina.
«Naftaviki» hatovy addać za bratoŭ pierśpiektyŭnaha forvarda Endru Kałki.
Nahadajem, što Siarhiej Kaścicyn byŭ niadaŭna vyklikany z farm‑kłuba — «Hamiltan Buldohz» ‑‑ paśpieŭ nabrać za dva matčy 2 (0 +2) bały, a Andrej Kaścicyn prapuściŭ apošni pajadynak suprać «Pitsburha» z‑za traŭmy nohi, paviedamlaje «Sport‑Ekspriess» sa spasyłkaj na Ottawa Sun.
Zaraz «Edmantan» u siezonie 2009/2010 Nacyjanalnaj chakiejnaj lihi zajmaje 12-y radok u Zachodniaj kanfierencyi, adstajučy ad vośmaha plej-ofnaha miesca na čatyry bały. «Manreal» va Uschodniaj kanfierencyi idzie 9-m.
«Edmantan», zasnavany ŭ 1972 h., - piacirazovy ŭładalnik Kubku Stenli (1984, 1985, 1987, 1988, 1990 - čatyry razy trafiej brali, kali za kłub hulaŭ Uejn Hrecki). Try apošnija siezony (2007, 2008, 2009) u plej-of kłub vychodziŭ, ale ŭ siezonie 2005/2006 dajšoŭ ažno da finału Kubka Stenli, dzie sastupiŭ «Karalinie».
