Šyryn Jebadzi atrymlivaje premiju. Fota - sa staronki thewe.cc
Sutki paśla taho, jak miedal i dypłom łaŭreatki Nobieleŭskaj premii miru za 2003 hod, zmaharki za pravy čałavieku, Šyryn Jebadzi byli zabranyja iranskimi ŭładami, z Tehieranu pryjšło paviedamleńnie, što bankaŭski rachunak dziajački taksama zabłakavany. Pra heta paviedamiła infarmacyjnaje ahienstv AFP.
Nabližany siabr spadaryni Jebadzi, jaki pažadaŭ zastacca nieviadomym, paviedamiŭ, što rachunak nobieleŭskaj łaŭreatki zabłakavany ŭładami: z rachunka niemahčyma źniać hrošy. «Heta niezakonny ŭčynak, i hutarka viadziecca pra palityčny krok, bo hrošy, jakija pieravodzilisia na hety rachunak, byli pryznačanyja dla finansavaj padtrymki palityčnych viaźniaŭ dy ich siemjaŭ», – zajaviŭ jon.
Jašče ŭčora pryjšła viestka, što iranskija ŭłady zabaranili Jebadzi dostup da jaje miedala Nobieleŭskaha łaŭreatu i hanarovaha dypłomu, jakija zachoŭvałasia ŭ bankaŭskim sejfie. Na heta zajavaj adreahavała ministerstva zamiežnych spravaŭ Narviehii, zaznačyŭšy ŭ joj, što jany «aburanyja» hetym učynkam. Reč u tym, što nobieleŭskaja premija miru ŭručajecca mienavita narviežskaj kamisijaj, a nie šviedskaj.
56-hadovaj Jebadzi nie pryvykać da pieraśledaŭ. Jana atrymała premiju mira 2003 mienavita za čynnaje prasoŭvańnie demakratyi i stavańnie na abaronu pravoŭ čałavieka. Šyryn Jebadzi zrabiłasia pieršaj žančynaj-musulmankaj, jakaja atrymała hetuju premiju. U dadatak jana była pieršaj žančynaj-sudździoj u Iranie, pakul jaje zaŭčasna nie zvolnili. Za svaje pohlady Šyryn Abadzi nie raz traplała pad aryšt, u tym liku i paśla atrymańnia Nobieleŭskaj premii.
