Pra heta paviedamiŭ žurnalistam staršynia parłamienckaj kamisii pa dziaržaŭnym budaŭnictvie, miascovym samakiravańni i rehłamiencie Vasil Bajkoŭ 30 listapada pierad pačatkam plenarnaha pasiadžeńnia Pałaty pradstaŭnikoŭ, na jakim płanujecca razhledzieć papraŭki ŭ kodeks.
«Usio, što napracavana, adpaviadaje siońniašniamu žyćciu ŭ Respublicy Biełaruś. Źmianieńni zakranuć 45 artykułaŭ, pačynajučy ad farmiravańnia vybarčych kamisij da vyłučeńnia kandydataŭ u deputaty i prezidenty», — skazaŭ Bajkoŭ.
Siońniašniaje abmierkavańnie, pavodle jaho słoŭ, daść mahčymaść «jašče raz adčuć, što ŭsie hetyja źmianieńni nakiravanyja na ŭdaskanaleńnie zakanadaŭstva i čyściniu vybaraŭ».
Miarkujecca, što ŭ druhim čytańni zakonaprajekt budzie abmiarkoŭvacca parłamientam 10 śniežnia — pra heta na minułym tydni ŭ intervju BiełaPAN paviedamiła staršynia Centralnaj vybarčaj kamisii Lidzija Jarmošyna. «Da kanca pracy hetaj siesii pałat Nacyjanalnaha schodu, — a jana zakryvajecca 18 śniežnia, — ja ŭpeŭniena, zakonaprajekt budzie pryniaty», — skazała kiraŭnik CVK.
Pavodle słoŭ Jarmošynaj, nabyć moc zakonaprajekt pavinien praz 10 dzion paśla aficyjnaha apublikavańnia. «U 20‑ch čysłach studzienia źjavicca ŭkaz ab praviadzieńni miascovych vybaraŭ. Da hetaha času dakumient budzie padpisany i apublikavany», — skazała jana.
