Bolš za 4 tysiačy palicyjantaŭ sabralisia ŭ aŭtorak u Varšavie pierad kancylaryjaj premjer‑ministra Donalda Tuska, kab damahčysia vypłaty sacyjalnych ilhotaŭ ź minułaha hodu. Demanstracyja — najvyšejšaja forma pratestu palicyjantaŭ, bo strajkavać jany nie majuć prava.
Palicyjanty prynieśli trunu z nadpisam «Byli vybary, byli abiacańni, zaraz majem palicyju, jakaja pamiraje». Demanstracyju taksama padtrymali i pradstaŭniki pamiežnikaŭ dy pažarnikaŭ.
Polskija vajennyja, u tym liku palicyjanty, majuć kala 20 vidaŭ sacyjalnych ilhotaŭ. Zapazyčanaści ŭ ich vypłacie, jakija źviazanyja sa skaračeńniem dziaržaŭnaha biudžetu, skłali na 31 kastryčnika 127,5 młn złotych (1,3 młrd rubloŭ).
Jak adznačyŭ staršynia prafsajuzu palicyi Antoni Duda, ich ciarpieńnie skončyłasia i jany vyjšli na vulicy, kab abaranić svaje pravy.
0
0
0
0
0
0
