Uryŭki z zabaronienaha ruskamoŭnaha ramanu Viktara Marcinoviča «Paranoja» buduć nadrukavanyja ŭ bližejšym čas pa-biełarusku ŭ časopisie ARCHE. Ab hetym paviedamiŭ hałoŭny redaktar časopisu Valer Bułhakaŭ.
U śniežni hetaha hoda maje vyjści ceły numar ARCHE, pryśviečany ajčynnaj litaratury, biełaruskamoŭnaj i rasiejskamoŭnaj. U pracy nad numaram udzieł biare taksama Viktar Marcinovič. Pierakład uryŭku z Marcinovičavaha ramanu na biełaruskuju zrabiŭ litaratar Uładź Lankievič.
Akramia «Paranoi» ŭ litaraturnym numary ARCHE možna budzie pačytać kerałaŭskuju «Alisu ŭ Zalustroŭje» ŭ pierakładzie Viery Burłak, uryvak z novaha ramanu «Šałom» Artura Klinava, fantasmahoryju ad Alaksieja Baciukova, karotkuju prozu ad Alhierda Bachareviča, a taksama vieršy Andreja Chadanoviča, Valžyny Mort, Maryi Martysievič i Vitala Ryžkova.
Čytać jašče:
Raman Marcinoviča zabaranili pradavać na kirmašy
