Oliver Tvist (Oliver Twist)
Vialikabrytanija—Čechija—Francyja, 2005, kalarovy, 135 chv.
Žanr: siamiejnaja meladrama pavodle adnajmiennaha ramanu Čarłza Dykienza.
Adznaka: 6,5 (z 10).
Kaliści Ejzenštejn nazvaŭ Čarłza Dykienza najkinematahrafičnym piśmieńnikam i na prykładzie «Olivera Tvista» dakazaŭ, jak trapna anhielec stvaraje saspenz. Nia dziva, što majstar saspenzu Raman Pałanski i Dykienz narešcie sustrelisia.
Saspenz tumanam raźlity ŭ kadry, čviakaje hraź pad raźbitymi nahami, kamera łović łachmany žabrakoŭ i strašnyja fizii. Persanažy ramanu ŭ filmie nabyli hratesknyja rysy z «Žylca» — ale nie nastolki, kab pałochać dziaciej. A meladramatyčny siužet nie zasałodki, kab adšurchnuć darosłych.
Hodnaje, kaściumnaje j strymanaje vidovišča. Tolki krychu hruvastkaje — praź viernaść pieršakrynicy. A Ben Kinhśli źziaje ŭ roli złodzieja Fedžyna.