paviedamiła 15 śniežnia žurnalistam namieśnik ministra achovy zdaroŭja, hałoŭny sanitarny lekar Valancina Kačan.
Pavodle jaje słoŭ, užo pačałasia pracedura rehistracyi vakcyny ŭ krainie. Za košt srodkaŭ respublikanskaha biudžetu płanujecca zakupić 1 młn. doz vakcyny. Hetaj kolkaści, zajaviła namieśnik ministra, chopić dla vakcynacyi 500 tys. čałaviek. U pieršuju čarhu vakcyna pryznačana dla rabotnikaŭ arhanizacyj achovy zdaroŭja i žyćciova važnych słužbaŭ krainy, jakija ŭvachodziać u hrupy ryzyki, skazała Kačan. Vakcynacyja hrup ryzyki suprać hrypu A (H1N1) budzie praviedziena ŭ najbližejšy čas.
Pavodle słoŭ namieśnika ministra, Ministerstva achovy zdaroŭja taksama rekamiendavała zakuplać vakcynu za košt srodkaŭ miascovych biudžetaŭ. Tamu, mahčyma, adznačyła jana,
pryščepki ad pandemičnaha hrypu A (H1N1) zmohuć atrymać bolš za 500 tys. žycharoŭ Biełarusi.
Kačan zajaviła, što siońnia situacyja z raspaŭsiudžvańniem hrypu ŭ Biełarusi aceńvajecca jak «absalutna stabilnaja». Zachvorvańnie na hryp znachodzicca na ŭzroŭni anałahičnaha pieryjadu minułaha hoda, a pa asobnych haradach navat nižej.
«Ja vielmi spadziajusia, što takoje vydatnaje nadvorje nam dapamoža spravicca z hrypam», — skazała pradstaŭnik Ministerstva achovy zdaroŭja.
