Maksim Mirny. Fota: Getty Image
Najpierš Mirny pakajaŭsia za toje, što ŭ 2020-m publična padtrymaŭ biełaruski narod, a nie režym Łukašenki. U žniŭni 2020 hoda, kali ŭ Biełarusi paśla sfalsifikavanych prezidenckich vybaraŭ razharelisia pratesty, jon, jak viadoma, vystupiŭ suprać hvałtu i zaklikaŭ mižnarodnuju supolnaść dapamahčy jaho spynić. Toj pratesny post byŭ vydaleny ź instahrama Mirnaha tolki ŭ kancy lutaha 2021 hoda.
Ciapier Mirny pra heta škaduje:
«Ja nie spraviŭsia. Ja žyvy čałaviek. My ŭsie schilnyja rabić pamyłki. Ja škadavaŭ pra svoj emacyjny vystup. Siońnia, viarnuŭšysia ŭ maju zvykłuju Biełaruś, ja adčuvaju siabie spakajniej i bolš upeŭniena».
I dalej praciahvaŭ sypać kamplimienty režymu i asudžać uviedzienyja suprać jaho abmiežavańni:
«Ja lublu svoj horad. Ja lublu svaju krainu. Ja ź vialikim honaram nazyvaju siabie biełarusam. Padčas majoj prafiesijnaj karjery ja zaŭsiody ŭsio rabiŭ, što było ŭ maich siłach, dla pradstaŭleńnia našaj krainy na samych bujnych turnirach, na samych bujnych arenach. I maje namier dziejničać hetak ža i ŭ budučyni. Ciapier u mianie dla hetaha jość bolš času, siły i zapału, bo šmat času nie tracicca na prafiesijnuju dziejnaść.
Ja z aptymizmam hladžu ŭ budučyniu. Upeŭnieny, što Biełaruś budzie raźvivacca. Praz durnyja abmiežavańni, jakija zakranuli biełaruski sport, my nie možam u poŭnaj miery pradstaŭlać našu krainu. Adnak my mietadyčna pracujem u tym kirunku, kab zdarovy sens pieramoh. I ja budu rabić usio, što ad mianie zaležyć…
U Biełarusi jość usie ŭmovy dla raźvićcia kožnaha vidu sportu. Ja ŭpeŭnieny, što heta budzie davać svoj plon u budučyni».
Čytajcie taksama:
Sierena Uiljams vyrazała z sumiesnaj fatahrafii Arynu Sabalenka
Udava chakieista Rusłana Saleja pakazała fota svaich darosłych dziaciej
Stała viadoma, jak Domračava i Bjorndalen nazvali svaju druhuju dačku
