Kinafarmat 4ch4, žnivień 17

V značyć Vendeta

(V for Vendetta, 2005, ZŠA–Niamieččyna)

Stvaralniki «Matrycy», braty Vačoŭski, uzialisia za adaptacyju hrafičnaj naveli, stvoranaj Adamam Muram u 80-ja hady, što była pryśviečanaja supraćstajańniu ramantyčnaha anarchista z fašystoŭskim uradam. Hałoŭny hieroj komiksu, V, – prychilnik klasyčnaha anarchizmu i ličyć, što pierad tym, jak budavać novy śviet, treba zrujnavać stary. Padziei adbyvajucca ŭ Vialikaj Brytanii i jość svojeasablivaj reakcyjaj aŭtara na epochu kiravańnia Marharet Tetčer.

Aŭtary kinastužki ŭziali hrafičnuju navelu za asnovu, pakinuli siužet tvoru, ale źmianili kantekst i hałoŭny pasył tvoru, što i vyklikała abureńnie stvaralnika komiksu Adama Mura, jaki, adnak, tradycyjna adchryščvajecca ad ekranizacyjaŭ svaich komiksaŭ, jak było, naprykład, ź «Lihaj Ekstraardynarnych Džentelmenaŭ».

U filmie ŭ vysokatechnalahičnaj atmasfery ŭ duchu tvoru Orŭeła «1984» adbyvajecca supraćstajańnie indyvida i tatalitarnaha hramadztva, ale heta ŭžo supraćstajańnie inšych idealohijaŭ – liberalizmu i neakanservatyzmu, i takim čynam, pavodle stužki, hałoŭnaja pahroza hramadztvu idzie ŭžo ad ultra-kanservatyŭnaj palicejskaj dziaržavy, a hałoŭnyja temy dla razvažańnia – teraryzm i dziaržaŭny kantrol nad hramadztvam. Cikava, što hałoŭnym hierojem kiruje pomsta, i heta jadnaje jaho z takimi ramantyčnymi hierojami, jak, naprykład, Hraf Monte-Krysta. Va ŭsialakim razie stužka navivaje šerah aluzijaŭ, asacyjacyjaŭ i zaachvočvaje da filazofskich sprečak.

Ale jaje možna pahladzieć i nie pahłyblajučysia ŭ vysokija razvažańni – futurystyčny kantekst, cikavyja zdymki, viadomyja aktory Natali Portman («Leon», «Blizkaść») i Hjuha Ŭivinh («Uładalnik piarścionkaŭ», «Matryca»), čamu b i nie?

Aŭrora. Čaćvier. 18:00, 20:30.

Pieramoha. Piatnica. 16:20, 18:50, 21:15.

Mir. Subota. 18:00, 20:00.

Centralny. Niadziela. 18:30, 21:00.

❏

Pacałunak naskroź

(Kiss Kiss Bang Bang, 2005, ZŠA)

Majstar ekšanaŭ Šejn Błek zdymaje paradyjny detektyŭ z udziełam Roberta Daŭni («Čaplin», «Serca i dušy») i Veła Kiłmera («Schvatka», «Mora Sołtana»), čyich hierojaŭ zvodzić razam nietryvijalny cudoŭna zakručany siužet i scenar, poŭny dościpaŭ i žartaŭ, a dyjalohi prapisany tak, što ich chočacca cytavać.

Mir. Čaćvier. 18:00, 20:00.

Centralny. Piatnica. 17:00, 19:00, 21:00.

Pieramoha. Subota. 16:50, 18:50, 21:10.

Aŭrora. Niadziela. 18:30, 20:30.

❏

Kachańnie i cyharety

(Romance & Cigarettes, 2005, ZŠA)

Apovied pra prostaha praletaryja, baćku troch dačok, jaki zdradžvaje svajoj žoncy z seksualnaj ryžavałosaj žančynaj. Skažacie: banalna i nudna? A kali pradusery stužki braty Koeny, a hałoŭnyja roli vykonvajuć Džejms Handalfini («Kłan Saprana», «Pieražyć Kalady»), Śjuzan Sarandon («Telma i Łuiza», «Mačycha»), Kiejt Ŭinsłet («Tytanik», «Rozum i pačućci»), Styŭ Bušemi («Armahiedon», «Śviet pryvidaŭ»)? A kali jany śpiavajuć i tančać pad hity suśvietnaj muzyki ad Preśli da Toma Džonsa? A kali jany atrymlivajuć asałodu ad taho, što zdymajucca mienavita ŭ hetym filmie? I niezaŭvažna paradujuć svaje byłyja roli ci halivudzkija kinatradycyi?.. To heta ŭžo zusim inšaja historyja. Nie prapuścicie!

Pieramoha. Čaćvier. 16:50, 18:50, 21:10.

Aŭrora. Piatnica. 18:30, 20:30.

Centralny. Subota. 19:00, 21:00, 23:00.

Mir. Niadziela. 18:00, 20:30.

❏

Trup naračonaj Tyma Biortana

(Tim Burton's Corpse Bride, 2005, Vialikaja Brytanija–ZŠA), animacyja

Zajmalnaja animacyja ź śviežym humaram, u lepšych tradycyjach Tyma Biortana («Kašmar pierad Kaladami»). Kali paščaścić pahladzieć u aryhinale, možna atrymać asałodu ad hałasoŭ Džoni Depa i Heleny Bonem-Karter, jakaja, darečy, nasamreč jość naračonaj režysera mulcika Tyma Biortana, čym, vidavočna, i tłumačycca nazoŭ.

Centralny. Čaćvier. 13:30, 18:00, 19:40.

Mir. Piatnica. 18:00, 20:00.

Aŭrora. Subota. 18:30, 20:30.

Pieramoha. Niadziela. 15:30, 17:10, 18:50, 20:30, 22:00.

Uvaha! U raskładzie mahčymyja źmieny.