Vyjava: Netflix
Netflix jašče niekalki hadoŭ tamu jasna daŭ zrazumieć svoj namier stvaryć live-action-viersiju adnaho z najpapularniejšych anime-sieryjałaŭ «Avatar: Apošni mah pavietra» (Avatar: The Last Airbender).
Prostaje vyznačeńnie live-action takoje: u im udzielničajuć žyvyja akciory: realnyja ludzi ci žyvioły. Heta nie multfilm, ale i nie termin, jaki vykarystoŭvajecca dla adroźnieńnia ŭsich kali-niebudź stvoranych nieanimacyjnych filmaŭ ad animacyjnych. Zamiest hetaha termin live-action (ci «žyvoje dziejańnie») adnosicca da nieanimavanych piersanažaŭ u animavanym kantekście. Padumajcie pra Space Jam z Majkłam Džordanam ci «Chto padstaviŭ Trusa Rodžera». Hetyja filmy ŭklučajuć u siabie realnych akcioraŭ, a taksama animacyjnych piersanažaŭ. To-bok live-action — heta, tak by mović, žyvaja častka animacyjnaha filma.
Jašče ŭ 2018 hodzie pačała źjaŭlacca infarmacyja, što abodva stvaralniki aryhinalnaha multsieryjała, Majkł Dante DyMarcina i Brajan Kaniecka, buduć raspracoŭvać ekranizacyju ad Netflix, ale ŭ 2020 hodzie šlachi aŭtaraŭ i studyi razyšlisia ŭ suviazi z tvorčymi roznahałośsiami. Narešcie niadaŭna stryminhavaja płatforma abviaściła, što šou vyjdzie ŭ 2024 hodzie, prezientavaŭšy pieršy sapraŭdny trejler.
Uvodziny dla tych, chto nie hladzieŭ sieryjała studyi Nickelodeon 2005 hoda, vyhladajuć prykładna tak: u śviecie, dzie ludzi kantralujuć adzin z čatyroch elemientaŭ — vadu, ziamlu, ahoń ci pavietra — Avatar maje mahčymaść kantralavać usie ź ich. Praz sto hadoŭ paśla taho, jak Nacyja Ahniu faktyčna zavajavała śviet, Katara i Soka, para dziaciej ź Plemieni Vady, znachodziać dzicia Pavietranych Kačeŭnikaŭ — Aanha. Nieŭzabavie hieroi razumiejuć, što pasiabravali z Avataram. Troje siabroŭ stajuć adzinaj nadziejaj źniščyć kiraŭnika Nacyi Ahniu Azaja. Hieroi pačynajuć padarožničać pa śviecie ŭ pošukach majstroŭ, jakija mohuć navučyć Aanha pravilna kiravać elemientami, što nie źjaŭlajucca pavietram, i pry hetym nie trapić u pałon da syna Azaja, prynca-vyhnańnika Zuka.
Avatar užo byŭ adnojčy ekranizavany ŭ 2010 hodzie režysioram M. Najtam Šjamałanam («Šostaje pačućcio», «Niaŭraźlivy», «Znaki», «Split») i nie atrymaŭ vialikaj lubovi hledačoŭ (na iMDb rejtynh stužki składaje ŭsiaho 4.0 z mahčymych 10 pavodle 169 000 vodhukaŭ). Strach paŭtornaha pravału navisaje i nad novaj adaptacyjaj, bo «Avatar» — heta asablivaja reč sa šmatlikaj armijaj prychilnikaŭ i tamu asablivymi čakańniami.
Premjera sieryjała adbudziecca na Netflix 22 lutaha 2024 h.
Čytajcie taksama:
Kinafest «Paŭnočnaje źziańnie» ahučyŭ mižnarodnuju prahramu. Voś jakija 17 filmaŭ pakažuć
Praciah adnaho z najpaśpiachoviejšych postapakaliptyčnych šou HBO pad pytańniem
Netflix paprasili dadać biełaruskija subcitry. Što tam adkazali?
