Abaronca futbolnaha kłuba «Naftan» i zbornaj Biełarusi Dźmitryj Vierchaŭcoŭ moža pierajści ŭ šatłandski «Siełtyk» ŭ najbližejšy čas.
Pavodle paviedamleńniaŭ šatłandskaj presy, abaroncam «Naftana» i zbornaj Biełarusi Dźmitryjem Vierchaŭcovym surjozna cikavicca «Sełtyk», jaki zrabiŭ kankretnuju prapanovu abaroncu i jaho kłubu.
Biełarus pavinien zaniać miesca Hary Kołduełła, kantrakt jakoha skančajecca ŭžo 1 studzienia.
Vierchaŭcoŭ pavinien prajści miedahlad ŭ Hłazha jašče da novaha hoda. Kali ŭsio budzie dobra, to adrazu ž padpišuć kantrakt. Košt pierachodu aceńvajecca pryblizna ŭ paŭmiljona funtaŭ, paviedamlaje football.by
***
«Sełtyk» pobač z «[Hłazha] Rejndžers» — samyja viadomyja kłuby Šatłandyi
Vystupajuć u miascovaj premjer‑lizie. «Sełtyk» — zasnavany ŭ 1888 h. 42‑chrazovy čempijon Šatłandyi. Hulaje na «Sełtyk Park». U «Hłazha Rejndžers» — 52 tytuły (ale i zasnavany ŭ dalokim 1872 h.). Śledam iduć «Abierdyn», «Charts» i «Chibiernian», što stanavilisia čempijonami pa čatyry razy.
Ad 1986 h. «Sełtyk» i «Rejndžers» papieramienna zavajoŭvajuć tytuł čempijona Šatłandyi. Apošnim razam u hetuju sprečku ŭmiašaŭsia ŭ siezonach 1983/84 i 1984/1985 «Abierdyn», jaki tady treniravaŭ ser Aleks Fierhiusan.
Raniej ličyłasia (i ciapier časam taksama), što «Sełtyk» padtrymlivajuć kataliki, «Rejndžers» — vyklučna pratestanty, pryčym kataliki-futbalista da peŭnaha času nie padpuskalisia na harmatny streł da kłuba.
Padobnaja situacyja, darečy, u Edynburhu z katalickim «Chibiernianam» i pratestanckim «Chartsam».
***
U čempijanacie Šatłandyi udzielničajuć 12 kamandaŭ, što napačatku hulajuć u try koły (33 tury), a potym kamandy dzielacca na dźvie šaściorki, kamandy z 1 pa 6 miesca ŭ adno koła razyhryvajuć pryzavyja miescy i zvańnie čempijona, kamandy z 7 pa 12‑ie vyznačajuć niaŭdačnika.
Zaraz u čempijanacie lidziruje «Rejndžers», u jaho paśla 16 turaŭ 37 bałaŭ, u «Sełtyka» — 33, u «Chibierniana» — 32.
3 studzienia akurat i projdzie derbi «staroj firmy» «Sełtyk» i «Rejndžers».
Na «Sełtyk Park».