Fota: Michel Euler / AP
Mižnarodny alimpijski kamitet (MAK) vykazaŭ hatoŭnaść pracavać z Ukrainaj adnosna infarmacyi ab rasijskich i biełaruskich spartoŭcach, jakija padtrymlivajuć poŭnamaštabnaje ŭvarvańnie Rasii va Ukrainu, zajaviŭ były kiraŭnik Nacyjanalnaha alimpijskaha kamiteta Ukrainy Siarhiej Bubka.
MAK 8 śniežnia abviaściŭ pra dopusk rasijskich i biełaruskich atletaŭ na hulni ŭ Paryžy ŭ indyvidualnym niejtralnym statusie pry vykanańni šerahu kryteraŭ.
Zhodna z rašeńniem vykankama, niejtralnyja spartsmieny i ich piersanał pavinny ŭstrymlivacca ad luboj dziejnaści, źviazanaj z nacyjanalnym ściaham, himnam, emblemaj abo lubym inšym simvałam Rasii i Biełarusi, a taksama ad padtrymki ŭvarvańnia.
«Siońnia ŭ MAK abmierkavali pytańnie, što jany hatovyja pracavać z nami i atrymlivać usiu infarmacyju, jakuju my majem pa manitorynhu. Ja liču, što heta vielmi stanoŭča, jany adkrytyja i hatovyja pracavać z nami», — skazaŭ Siarhiej Bubka, jaki vystupiŭ na pasiadžeńni Hienieralnaj asamblei Nacyjanalnaha alimpijskaha kamiteta Ukrainy.
Čytajcie taksama:
MAK dapuściŭ biełaruskich i rasijskich spartoŭcaŭ da Alimpijady-2024
Lohkaatletaŭ ź Biełarusi i Rasii na Alimpijadzie nie budzie — prezident World Athletics
Chto ad Biełarusi ŭžo adabraŭsia na Alimpijadu-2024, a chto jašče moža pajechać
Nazvali imiony biełarusaŭ, jakija mohuć pajechać na Alimpijadu
